ការលើកឡើងនេះធ្វើឡើងក្រោយពិធីបង្សុកូលគោរពវិញ្ញាណក្ខន្ធអ្នកដែលបានស្លាប់បាត់បង់ជីវិតក្នុងព្រឹត្តិការណ៍រដ្ឋប្រហារថ្ងៃទី៥-៦ កក្កដា ឆ្នាំ១៩៩៧ នៅស្នាក់ការកណ្តាលបក្សសង្គ្រោះជាតិនៅព្រឹកថ្ងៃអាទិត្យនេះ ។
ក្រោយពិធីបុណ្យនោះ លោក សម រង្សីុ ថ្លែងថា លោកនឹងស្នើឲ្យប្រទេសបារាំងធ្វើផែនទីខ្នាត ១/១០០ ០០០ ដែលចែងក្នុងច្បាប់រដ្ឋធម្មនុញ្ញម ឲ្យទៅជាផែនទីអេឡិចត្រូនិច ។ លោកបន្តថា បន្ទាប់បារាំងធ្វើផែនទីអេឡិកត្រូនិកនេះរួច លោកនឹងអញ្ជើញមន្ត្រីរដ្ឋាភិបាល និងមន្ត្រីគណកម្មការព្រំដែនចុះទៅពិនិត្យមើលនៅខ្សែបន្ទាត់ព្រំដែនរវាងប្រទេសទាំងពីរ ។
ក្នុងពិធីគោរពវិញ្ញាណក្ខន្ធនោះដែរ លោក សម រង្សីុ បានរិះគន់ លោក វ៉ា គឺមហុងប្រធានគណៈកម្មាធិការព្រំដែនកម្ពុជាថា យកដែនទីក្លែងក្លាយមកប្រាប់ប្រជាពលរដ្ឋ ។ លោកអះអាងថា ផែនទីដែលលោក វ៉ា គឺមហុងបង្ហាញនៅក្នុងសន្និសីទសារព័ត៌មាន នៅទីស្ដីការគណៈរដ្ឋមន្ត្រីសប្តាហ៍មុននោះ ប្រទេសវៀតណាមជាអ្នកគូស ។
លោក សម រង្សីុ លើកឡើងថា ផែនទីអេឡិកត្រូនិកនោះ គឺអ្នកបច្ចេកទេសធ្វើឡើងដោយដាក់កំណត់បង្គោលព្រំដែននិមួយៗដែលបានបោះក្នុងសម័យកាលនោះចូលទៅប្រព័ន្ធកុំព្យួទ័រ រូចប្រព័ន្ធនោះនឹងបញ្ជាក់ប្រាប់ទីតាំងព្រំដែន ។
យោងតាមប្រធានបក្សប្រឆាំង លោក សម រង្សីុ ឲ្យដឹងថា ផែនទីដែលលោកគ្រោងនឹងស្នើប្រទេសបារាំង ធើ្វឲ្យទៅជាផែនទីអេឡិកត្រូនិចនោះ គឺជាផែនទីខ្នាត១/១០០ ០០០(មួយលើមួយរយពាន់) ដែលគូសវាសដោយអាជ្ញាធរបារាំងក្នុងចន្លោះឆ្នាំ១៩៣៣ដល់ ១៩៥៣ និងត្រូវបានដាក់តម្កល់ក្នុងបណ្ណាល័យរបស់ប្រទេសបារាំង ដែលជាកន្លែងតម្កល់ទុកផែនទីប្រវត្តិសាស្ត្រនៃប្រទេសកម្ពុជា ។ លោកបន្តថា ផែនទីទាំងអស់នោះគ្របដណ្តប់ព្រំដែនកម្ពុជា-វៀតណាមប្រវែង១២៥០គីឡូម៉ែត្រ ៕
No comments:
Post a Comment