ស្តាប់សំឡេង៖
ចម្លងទុក
អ្នកមានជម្លោះដីធ្លីមកពីស្រុកត្បែងមានជ័យ ខេត្ដព្រះវិហារ ឲ្យដឹងថាពួកគាត់ត្រូវបានសមត្ថកិច្ចខេត្ដនេះរារាំង និងគំរាមសម្លាប់ ព្រមទាំងហាមឃាត់មិនឲ្យជួបប្រជុំគ្នា ដាក់ញត្ដិជូនអាជ្ញាធរខេត្ដ ដើម្បីជំរុញឲ្យស្ថាប័នពាក់ព័ន្ធដោះស្រាយជម្លោះដីធ្លីពួកគេ។
សមាជិកសហគមន៍ជនជាតិដើមភាគតិចគួយ នៅឃុំប្រមេរ ស្រុកត្បែងមានជ័យ អ្នកស្រី ស៊ឹង សាំ ប្រាប់អោយដឹងនៅទីរួមខេត្តព្រះវិហារនារសៀលថ្ងៃអង្គារនេះថាក្រុមសមត្ថកិច្ចចម្រុះ បានរារាំង គំរាមកំហែងចាប់ដាក់ខ្នោះ និង
សម្លាប់ចោល ខណៈដែលពួកគាត់ជាច្រើននាក់បានមកប្រមូលផ្ដុំគ្នានៅទីរួមខេត្ដ ដាក់ញត្ដិជូនអភិបាលខេត្ដ លោក អ៊ុំ ម៉ារ៉ា ដើម្បីជំរុញស្ថាប័នពាក់ព័ន្ធ ជួយដោះស្រាយជម្លោះដីធ្លី ជាមួយក្រុមហ៊ុនចិនឡានហ្វេង។ អ្នកស្រីបន្ដថាក្រុមសមត្ថកិច្ចទាំងនោះ បានហាមឃាត់ និងបណ្ដេញពួកគាត់ឲ្យត្រឡប់ទៅគេហដ្ឋានវិញ ប៉ុន្ដែពួកគាត់មិនធ្វើតាម ហើយនៅតែទាមទារឲ្យអាជ្ញាធរបញ្ឈប់ក្រុមហ៊ុនរំលោភដីធ្លីពួកគេ ។
សម្លាប់ចោល ខណៈដែលពួកគាត់ជាច្រើននាក់បានមកប្រមូលផ្ដុំគ្នានៅទីរួមខេត្ដ ដាក់ញត្ដិជូនអភិបាលខេត្ដ លោក អ៊ុំ ម៉ារ៉ា ដើម្បីជំរុញស្ថាប័នពាក់ព័ន្ធ ជួយដោះស្រាយជម្លោះដីធ្លី ជាមួយក្រុមហ៊ុនចិនឡានហ្វេង។ អ្នកស្រីបន្ដថាក្រុមសមត្ថកិច្ចទាំងនោះ បានហាមឃាត់ និងបណ្ដេញពួកគាត់ឲ្យត្រឡប់ទៅគេហដ្ឋានវិញ ប៉ុន្ដែពួកគាត់មិនធ្វើតាម ហើយនៅតែទាមទារឲ្យអាជ្ញាធរបញ្ឈប់ក្រុមហ៊ុនរំលោភដីធ្លីពួកគេ ។
ប្រជាសហគមន៍ទាំងនោះឲ្យដឹងប្រហាក់ប្រហែលគ្នាថាពួកគាត់បានធ្វើដំណើរដោយថ្មើរជើង មកពីស្រុកត្បែងមានជ័យ ដើម្បីឲ្យអាជ្ញាធរជួយដោះស្រាយជម្លោះដីធ្លីអូសបន្លាយជាច្រើនឆ្នាំមកហើយនោះ ប៉ុន្ដែបែរជាត្រូវសមត្ថកិច្ចខេត្តនេះគំរាមសម្លាប់ទៅវិញ។ ពួកគាត់បញ្ជាក់ថាបើទោះបីមានការរារាំង និងគំរាមកំហែងក្ដី ក៏ពួកគេនៅតែបន្តជួបប្រជុំគ្នាដដែល ដើម្បីទាមទារយុត្ដិធម៌ ។
ជាមួយគ្នានោះដែរ ពលរដ្ឋមកពីតាមបណ្ដាស្រុកផ្សេងៗទៀត ដូចជាស្រុកគូលែន ស្រុករវាង ស្រុកជាំក្សាន្ដ ជាដើម ក៏ត្រូវសមត្ថកិច្ចស្ទាក់ផ្លូវ និងរារាំងពួកគាត់មិនធ្វើដំណើរចូលទីរួមខេត្ដផងដែរ ក្រោមហេតុផលផ្សេង។ ប៉ុន្ដែទោះជាយ៉ាងណា ពួកគាត់ខ្លះនៅតែបន្ដដោយថ្មើរជើងដដែល ។
VOD មិនអាចទាក់ទង អភិបាលខេត្ដព្រះវិហារ លោក អ៊ុំ ម៉ារ៉ា ដើម្បីសាកសួរពីករណីនេះបានទេ ដោយទូរស័ព្ទនៅក្រៅសេវា ។ ចំណែកស្នងការ និងស្នងការរងខេត្ត គឺលោក ស៊ី គិរី និងលោក កែវ ចំរើន ក៏ មិនអាចទាក់ទងដើម្បីសុំការបំភ្លឺបានដែរ ។
អ្នកសម្របសម្រួលសមាគមការពារសិទ្ធិមនុស្សអាដហុក ខេត្ដព្រះវិហារ លោក ឡោ ចាន់ យល់ថាករណីនេះជាការគំរាមកំហែងបំបិទសិទ្ធិសេរីភាពក្នុងការបញ្ចេញមតិ តាមរដ្ឋធម្មនុញ្ញ ដែលធ្វើឲ្យប៉ះពាល់ដល់សិទ្ធិពលរដ្ឋ ។ លោកបន្ដថាជម្លោះដីធ្លីនៅខេត្ដនោះបានអូសបន្លាយជាច្រើនឆ្នាំនេះ ដោយសារអាជ្ញាធរហាក់មិនមានចេតនា ជួយដោះស្រាយជូនពួកគាត់ ។ លោកបញ្ជាក់ថា បើសិនជម្លោះដីធ្លីនេះ នៅតែមិនមានដំណោះស្រាយនោះ ពួកគាត់នឹងឡើងទៅតវ៉ាដល់រាជធានីភ្នំពេញបន្ដទៀត។
បើតាមពលរដ្ឋ ពួកគេមានគម្រោងជួបប្រជុំគ្នា ដើម្បីធ្វើការតវ៉ាឲ្យអាជ្ញាធរជួយរកដំណោះស្រាយដីធ្លីនេះ មានរយៈពេល២ថ្ងៃ គឺចាប់ពីថ្ងៃទី២ ដល់ថ្ងៃទី៣ ខែមិថុនា ឆ្នាំ២០១៥នេះ ៕
No comments:
Post a Comment