តំណាងរាស្ត្រគណបក្សសង្គ្រោះជាតិ នៅរសៀលថ្ងៃអាទិត្យនេះ អះអាងថា តំណាងរាស្ត្របក្សរបស់ខ្លួនលោក រៀល ខេមរិន្ទ្រ ត្រូវបានអាជ្ញាធរវៀតណាម វាយឲ្យរងរបួសធ្ងន់ ខណៈចុះទៅពិនិត្យព្រំដែនកម្ពុជា-វៀតណាម នៅខេត្តស្វាយរៀង ។
តាមគម្រោងតំណាងរាស្ត្របក្សសង្គ្រោះជាតិដែលដឹកនាំដោយលោក រៀល ខេមរិន្ទ្រ លោក អ៊ុំ សំអាន និងប្រធានសហគមន៍ខ្មែរកម្ពុជាក្រោមនៅកម្ពុជាលោក ថាច់ សេដ្ឋា បានដឹកនាំប្រជា
ពលរដ្ឋ និងព្រះសង្ឃកម្ពុជាក្រោមប្រមាណ ២០០អង្គ/នាក់ ចុះពិនិត្យព្រំដែនខេត្តស្វាយរៀង ត្រង់ចំណុចភូមិគោកធ្លក ឃុំត្នោត ស្រុកកំពង់រោ ខេត្តស្វាយរៀង បន្ទាប់ពីទទួលដំណឹងពីប្រជាពលរដ្ឋ ថាវៀតណាមបានរំលោភទឹកដីខ្មែរ និងកំពង់ធ្វើផ្លូវនៅតំបន់ដែលមិនទាន់ឯកភាពគ្នាបោះបង្គោល ។
តែតំណាងរាស្ត្រគណបក្សសង្គ្រោះជាតិលោក អ៊ុំ សំអាន ដែលចូលរួមក្នុងសកម្មភាពនោះ ប្រាប់ VODថា នៅពេលប្រជាពលរដ្ឋ និងតំណាងរាស្ត្រចូលទៅពិនិត្យចំណុចព្រំដែនដែលមានភាពមិនប្រក្រតីនោះ ស្រាប់តែអាជ្ញាធរនិងពលរដ្ឋវៀតណាម ឃាត់ពលរដ្ឋខ្មែរ និងរុញតំណាងរាស្ត្រលោក រៀល ខេមរិន្ទ្រ ឲ្យធ្លាក់ទឹក និងព្រួតគ្នាវាយតំណាងរាស្ត្ររូបនេះឲ្យរបួសធ្ងន់ ត្រង់ដៃ ខ្នង និងកញ្ចឹងកផងដែរ ។ លោក ចាត់ទុកទង្វើរបស់អាជ្ញាវៀតណាមនាពេលនេះថា ជាឈា្លនពានអធិបតេយ្យភាពខ្មែរ និងថែមទាំងមើលងាយតំណាងរាស្ត្រខ្មែរទៀតផង ។ បើតាមតំណាងរាស្ត្ររូបនេះ ពលរដ្ឋខ្មែរប្រមាណ ១០នាក់ក៏រងរបួសស្រាល ចំណែកភាគីវៀតណាមរងរបួសដែរ តែតិចជាងភាគីកម្ពុជា បន្ទាប់ពីមានការប៉ះទង្គិចប្រមាណជាង ១០នាទី ។
ចំណែកយុវជនលោក ម៉ា ចិត្រា ដែលចូលរួមក្នុងសកម្មភាពនោះដែរ មានប្រសាសន៍ថា ហេតុការណ៍នេះកើតឡើងនៅ វេលាម៉ោង ២ និង ៣០នាទីរសៀល ។ បើតាមយុវជនរូបនេះ នៅត្រង់ចំណុចព្រំដែននោះ អាជ្ញាធរនិងពលរដ្ឋវៀតណាមមានគ្នាប្រមាណ២០០នាក់ ដោយក្នុងនោះទាហានវៀតណាមប្រមាណ ៥០នាក់ប្រដាប់ដោយកាំភ្លើងគ្រប់ដៃ និងពលរដ្ឋវៀតណាមប្រដាប់ដោយដំបង ។ លោកបន្តថា ចំណែកភាគីកម្ពុជា ពលរដ្ឋខ្មែរមិនមានកាន់ដំបង ឬកាំភ្លើងអ្វីនោះទេ ហើយទាហានខ្មែរវិញមានតែប្រមាណ ១០នាក់ និងមិនមានកាន់កាំភ្លើងដូចភាគីវៀតណាមឡើយ ។
ទាក់ទងនឹងករណីនេះ ប្រធានប៉ុស្តិ៍ព្រំដែន X ១២ លោក ស៊ិន នឿន ប្រាប់ VOD ថា លោកបានទំនាក់ទំនងទៅភាគីវៀតណាមដែរថា តំណាងរាស្ត្រ និងពលរដ្ឋខ្មែរនឹងចូលទៅពិនិត្យព្រំដែនតំបន់នោះ តែភាគីវៀតណាមប្រាប់វិញថា មិនឲ្យចូលទៅតំបន់នោះទេ តែភាគីកម្ពុជាជម្នះចង់ចូល ទើបមានការប៉ះទង្គិចកើតឡើង ។ លោកបន្តថា ខាងបប៉ុស្តិ៍ព្រំដែនក៏បានបញ្ជូនសមត្ថកិច្ចខ្មែរចំនួន ១២នាក់ផងដែរ ដើម្បីបង្កាកុំឲ្យមានបញ្ហាកើតឡើង ។ តែលោកថា ចំពោះការដាក់កម្លាំងប្រដាប់ដោយកាំភ្លើងឲ្យដូចភាគីវៀតណាមដែលនោះ លោកសុំមិនអត្ថាធិប្បាយលើចំណុច ដោយស្នើឲ្យទៅសួររដ្ឋាភិបាល ។
បើតាមលោក អ៊ុំ សំអាន នៅពេលត្រឡប់មកដល់ភ្នំពេញលោកនឹងស្នើទៅរដ្ឋាភិបាលឲ្យដាក់ពាក្យបណ្តឹងទៅតុលាការយុត្តិធម៌អន្តរជាតិឲ្យជួយអន្តរាគមន៍បញ្ហាព្រំដែនជាមួយវៀតណាម ដោយលោកចាត់ទុកថា យន្តចរចាទ្វេភាគីកម្ពុជា និងវៀតណាម នឹងមិនមានប្រសិទ្ធភាពនោះទេ ៕
តាមគម្រោងតំណាងរាស្ត្របក្សសង្គ្រោះជាតិដែលដឹកនាំដោយលោក រៀល ខេមរិន្ទ្រ លោក អ៊ុំ សំអាន និងប្រធានសហគមន៍ខ្មែរកម្ពុជាក្រោមនៅកម្ពុជាលោក ថាច់ សេដ្ឋា បានដឹកនាំប្រជា
ពលរដ្ឋ និងព្រះសង្ឃកម្ពុជាក្រោមប្រមាណ ២០០អង្គ/នាក់ ចុះពិនិត្យព្រំដែនខេត្តស្វាយរៀង ត្រង់ចំណុចភូមិគោកធ្លក ឃុំត្នោត ស្រុកកំពង់រោ ខេត្តស្វាយរៀង បន្ទាប់ពីទទួលដំណឹងពីប្រជាពលរដ្ឋ ថាវៀតណាមបានរំលោភទឹកដីខ្មែរ និងកំពង់ធ្វើផ្លូវនៅតំបន់ដែលមិនទាន់ឯកភាពគ្នាបោះបង្គោល ។
តែតំណាងរាស្ត្រគណបក្សសង្គ្រោះជាតិលោក អ៊ុំ សំអាន ដែលចូលរួមក្នុងសកម្មភាពនោះ ប្រាប់ VODថា នៅពេលប្រជាពលរដ្ឋ និងតំណាងរាស្ត្រចូលទៅពិនិត្យចំណុចព្រំដែនដែលមានភាពមិនប្រក្រតីនោះ ស្រាប់តែអាជ្ញាធរនិងពលរដ្ឋវៀតណាម ឃាត់ពលរដ្ឋខ្មែរ និងរុញតំណាងរាស្ត្រលោក រៀល ខេមរិន្ទ្រ ឲ្យធ្លាក់ទឹក និងព្រួតគ្នាវាយតំណាងរាស្ត្ររូបនេះឲ្យរបួសធ្ងន់ ត្រង់ដៃ ខ្នង និងកញ្ចឹងកផងដែរ ។ លោក ចាត់ទុកទង្វើរបស់អាជ្ញាវៀតណាមនាពេលនេះថា ជាឈា្លនពានអធិបតេយ្យភាពខ្មែរ និងថែមទាំងមើលងាយតំណាងរាស្ត្រខ្មែរទៀតផង ។ បើតាមតំណាងរាស្ត្ររូបនេះ ពលរដ្ឋខ្មែរប្រមាណ ១០នាក់ក៏រងរបួសស្រាល ចំណែកភាគីវៀតណាមរងរបួសដែរ តែតិចជាងភាគីកម្ពុជា បន្ទាប់ពីមានការប៉ះទង្គិចប្រមាណជាង ១០នាទី ។
ចំណែកយុវជនលោក ម៉ា ចិត្រា ដែលចូលរួមក្នុងសកម្មភាពនោះដែរ មានប្រសាសន៍ថា ហេតុការណ៍នេះកើតឡើងនៅ វេលាម៉ោង ២ និង ៣០នាទីរសៀល ។ បើតាមយុវជនរូបនេះ នៅត្រង់ចំណុចព្រំដែននោះ អាជ្ញាធរនិងពលរដ្ឋវៀតណាមមានគ្នាប្រមាណ២០០នាក់ ដោយក្នុងនោះទាហានវៀតណាមប្រមាណ ៥០នាក់ប្រដាប់ដោយកាំភ្លើងគ្រប់ដៃ និងពលរដ្ឋវៀតណាមប្រដាប់ដោយដំបង ។ លោកបន្តថា ចំណែកភាគីកម្ពុជា ពលរដ្ឋខ្មែរមិនមានកាន់ដំបង ឬកាំភ្លើងអ្វីនោះទេ ហើយទាហានខ្មែរវិញមានតែប្រមាណ ១០នាក់ និងមិនមានកាន់កាំភ្លើងដូចភាគីវៀតណាមឡើយ ។
ទាក់ទងនឹងករណីនេះ ប្រធានប៉ុស្តិ៍ព្រំដែន X ១២ លោក ស៊ិន នឿន ប្រាប់ VOD ថា លោកបានទំនាក់ទំនងទៅភាគីវៀតណាមដែរថា តំណាងរាស្ត្រ និងពលរដ្ឋខ្មែរនឹងចូលទៅពិនិត្យព្រំដែនតំបន់នោះ តែភាគីវៀតណាមប្រាប់វិញថា មិនឲ្យចូលទៅតំបន់នោះទេ តែភាគីកម្ពុជាជម្នះចង់ចូល ទើបមានការប៉ះទង្គិចកើតឡើង ។ លោកបន្តថា ខាងបប៉ុស្តិ៍ព្រំដែនក៏បានបញ្ជូនសមត្ថកិច្ចខ្មែរចំនួន ១២នាក់ផងដែរ ដើម្បីបង្កាកុំឲ្យមានបញ្ហាកើតឡើង ។ តែលោកថា ចំពោះការដាក់កម្លាំងប្រដាប់ដោយកាំភ្លើងឲ្យដូចភាគីវៀតណាមដែលនោះ លោកសុំមិនអត្ថាធិប្បាយលើចំណុច ដោយស្នើឲ្យទៅសួររដ្ឋាភិបាល ។
បើតាមលោក អ៊ុំ សំអាន នៅពេលត្រឡប់មកដល់ភ្នំពេញលោកនឹងស្នើទៅរដ្ឋាភិបាលឲ្យដាក់ពាក្យបណ្តឹងទៅតុលាការយុត្តិធម៌អន្តរជាតិឲ្យជួយអន្តរាគមន៍បញ្ហាព្រំដែនជាមួយវៀតណាម ដោយលោកចាត់ទុកថា យន្តចរចាទ្វេភាគីកម្ពុជា និងវៀតណាម នឹងមិនមានប្រសិទ្ធភាពនោះទេ ៕
No comments:
Post a Comment