លិខិតផ្ទេរសិទ្ធិនេះត្រូវបានធ្វើឡើង មុនការចាកចេញរបស់លោកនាយករដ្ឋមន្ត្រី ហ៊ុន សែន ពីប្រទេសកម្ពុជានៅព្រឹកថ្ងៃទី២២មិថុនានេះ ដើម្បីចូលរួមកិច្ចប្រជុំថ្នាក់តំបន់នៅក្នុងប្រទេសមីយ៉ាន់ម៉ា។
នៅថ្ងៃទី២០មិថុនាកន្លងទៅ សមាជិកគណៈកម្មាធិការកណ្តាលរបស់គណបក្សប្រជាជនកម្ពុជា បានបោះឆ្នោតជ្រើសតាំងលោក ហ៊ុន សែន ជាប្រធានគណបក្សប្រជាជនកម្ពុជា បន្តវេនពីលោក ជា ស៊ីម ដែលបានទទួលមរណៈភាព និងជ្រើសតាំងលោក ស ខេង និងលោក សាយ ឈុំ ជាអនុប្រធានគណបក្ស ដោយមិនមានឋានៈអនុប្រធានទី១ ឬទី២ នោះឡើយ។ ដូច្នេះ សំណួរមួយដែលគេអាចសួរបាន ថាតើក្នុងករណីអវត្តមាននៅក្នុងប្រទេសរបស់លោក ហ៊ុន សែន អ្នកណានឹងជាប្រធានស្តីទីនៃគណបក្ស?
ថ្លែងប្រាប់សារព័ត៌មានថ្មីៗ នៅព្រឹកថ្ងៃចន្ទនេះ អ្នកនាំពាក្យគណបក្សប្រជាជនកម្ពុជា លោក ឈឹម ផលវរុណ បានពន្យល់យ៉ាងដូច្នេះថា៖«នៅក្នុងក្របខណ្ឌរដ្ឋាភិបាល សម្តេច ស ខេង ត្រូវក្លាយជានាយករដ្ឋមន្ត្រីស្តីទីតាមលិខិតផ្ទេរសិទ្ធិរបស់សម្តេច ហ៊ុន សែន។ ប៉ុន្តែនៅក្នុងក្របខណ្ឌគណបក្ស គឺអាស្រ័យលើភាពជាក់ស្តែងថា តើសម្តេច ហ៊ុន សែន នឹងអាចផ្ទេរសិទ្ធិជូនសម្តេច ស ខេង ឬ សម្តេច សាយ ឈុំ»។
No comments:
Post a Comment