កាលពីថ្ងៃទី៣០ ខែមេសា ដែលជាថ្ងៃនេះការរំឭកខួប៤០ឆ្នាំនៃការរួបរួមវៀតណាម (៣០ ខែមេសា ឆ្នាំ១៩៧៥ ) លោកនាយករដ្ឋមន្ត្រីវៀតណាម Nguyen Tan Dung បានទទួលជួបថ្នាក់ដឹកនាំកម្ពុជា ឡាវ និងគុយបា ដោយឡែកពីគ្នានៅក្នុងទីក្រុងហូជីមិញ។
លោក Nguyen Tan Dung បានលើកឡើងថា បក្ស រដ្ឋ និងប្រជាជនវៀតណាម មិនដែលភ្លេចឡើយនូវជំនួយ និងការគាំទ្រដ៏អស់ពីចិត្តរបស់ប្រទេសជាមិត្តដូចជា សហភាពសូវៀត ចិន ឡាវ កម្ពុជា និងគុយបា។
ជាឆ្លើយតប លោកឧបនាយករដ្ឋមន្ត្រីឡាវ លោក BounnhangVorachithបានអរគុណត្រឡប់ទៅមេដឹកនាំវៀតណាម ដែលជួយដល់ប្រជាជាតិឡាវឲ្យមានការអភិវឌ្ឍន៍ជាតិរហូតមកដល់បច្ចុប្បន្ន។
ជាមួយគ្នានេះ លោកស្រី ម៉ែន សំអន ឧបនាយករដ្ឋមន្ត្រីកម្ពុជា បានលើកឡើងថា មិត្តភាពកម្ពុជា-វៀតណាម មិនអាចកាត់ផ្តាច់បានឡើយ ជាពិសេសការចូលរួមរបស់កងទ័ពស្ម័គ្រ និងអ្នកជំនាញវៀតណាមក្នុងការរំដោះកម្ពុជាចេញពីសង្គ្រាម។
ទីភ្នាក់ងារព័ត៌មាន VNA ក៏បានដកស្រង់សម្តីរបស់លោក José Ramon Balaguer Cabrera សមាជិកបក្សកុំមុយនីស្តគុយបា ដែរថា វៀតណាមគឺជាមិត្តដ៏ពិសេសរបស់គុយបាក្នុងចលនាទាមទារឯករាជ្យជាតិ រួមទាំងការអភិវឌ្ឍន៍ផ្សេងៗទៀត៕
No comments:
Post a Comment