ជំងឺមហារីកបានកើនឡើងនៅ វៀតណាម បណ្តាលមកពីការទទួលទានរបស់គ្មានអនាម័យ

វៀតណាម៖ បើយោងទៅតាមក្រុមស្រាវជ្រាវតួលេខមួយ ពីមន្ទីរពេទ្យចំនួន១៧៥ បានចេញផ្សាយនៅពិធីសន្និសិទមួយក្នុងក្រុងហូជីមីញ កាលពីថ្ងៃពុធ បានអោយដឹងថា ករណីបរិមាណនៃជំងឺមហារីកនៅប្រទេសវៀតណាម បានកើនឡើងថេរ តាំងពីឆ្នាំ១៩៩៨​ មក ដោយមានអ្នកជំងឺថ្មីៗកើនពី ១០០.០០០ ទៅ ១៥០.០០០នាក់ និងមានចំនួនអ្នកស្លាប់ ៧០.០០០នាក់មកហើយ បណ្តាលមកពីជំងឺនេះជារៀងរាល់ឆ្នាំ។

អនុប្រធាននៅគិលានដ្ឋាន លោក ដាំងហុយហ្គុក បានមានប្រសាសន៏ថា ថ្មីៗនេះ ករណីជំងឺមហារីកថ្មីៗ បានកើនឡើងយ៉ាងខ្ពស់់ ព្រោះមន្ទីរពេទ្យ អ៊នខូលូជី ក្នុងក្រុងហូជីមីញ ទើបតែបានរកឃើញករណីថ្មីចំនួន ១៣,០០០ ក្នុងពេលប្រាំឆ្នាំដំបូងនេះ។

ករណីភាគច្រើនបានទាក់ទងទៅនិងទំលាប់នៃការញ៉ាំ ផឹក និងរស់នៅមិនស្អាត។
លោកថីញបាននិយាយថា មានហេតុផលជាច្រើន ដែលជាមូលហេតុធ្វើអោយជំងឺមហារីកបានកើនខ្ពស់ ក្នុងប៉ុន្មានឆ្នាំខាងមុននេះ។ បន្ថែមលើសពីនេះទៅទៀត ចំនួនអ្នកជក់បារី និងការទទួលទានស្រា នៅវៀតណាមនៅមានកំរិតខ្ពស់ រួមទាំងមានការប្រឈមទៅនិងការញ៉ាំអាហារ ដែលមានសារធាតុពុលធ្វើអោយប៉ះពាល់ដល់សុខភាព និងបំផ្លាញទៅដល់បរិស្ថានធម្មជាតិគ្រប់តំបន់ទាំងអស់នៅក្នុងប្រទេស។

ការទទួលទានស្រាបៀរច្រើន ញ៉ាំអាហារដុះផ្សិត ឬក៏ញ៉ាំរបស់ក្រៀមៗ ឬត្រីអាំងមានខ្លាញ់ស្រក់ អាចជាសារធាតុបង្កជំងឺមហារីក។

លើសពីនេះ បណ្តាលមកពីករណីដែលមិនអាចគ្រប់គ្រង បញ្ហាអនាមយ័ម្ហូបអាហារនៅក្នុងប្រទេសវៀតណាមបាន រួមមានក្នុងអាហារមានសារធាតុគីមីពុល ដែលអាចធ្វើអោយប៉ះពាល់ទៅដល់សុខភាព អ្នកជំនាន់ក្រោយនិងមិនគ្រាន់តែមានជំងឺមហារីកប៉ុណ្ណោះទេ ថែមទាំងមានជំងឺដ៏ទៃចូលមកលាយឡំទៀតផង៕