ថា (រដ្ឋសភាក៏មានអំណាចទម្លាក់នាយករដ្ឋមន្ត្រី រដ្ឋមន្ត្រីឬក៏រដ្ឋាភិបាលទាំងមូលចេញពីតំណែង ដោយអនុម័តញត្តិបន្ទោសតាមសំលេង ដាច់ខាតនៃចំនួនសមាជិកសភាទាំងមូល)។ យ៉ាងណាក៏ដោយមន្ត្រីជាន់ខ្ពស់ របស់គណបក្សប្រជាជនកម្ពុជា នោះលោក ឈាង វុន បានចេញមុខឆ្លើយថា ការបោះឆ្នោតទម្លាក់លោកហោ ណាំហុងគឺមិនអាចទៅរួចនោះទេ។ មិនអាចទៅរួចដោយសារតែតំណាងរាស្ត្ររបស់គណបក្សសង្គ្រោះជាតិ មិនអាចមានសំឡេងគ្រប់គ្រាន់ ក្នុងការ បោះឆ្នោតទម្លាក់លោកហោ ណាំហុងបានទេ លុះត្រាតែមានការចូលរួមពីអ្នកតំណាងគណបក្សប្រជាជនកម្ពុជា ដែរទើបទៅរួច។ ព័ត៌មានពិស្តារសូមស្តាប់ គួន សំបូរ
ថ្លែងប្រាប់ដល់វិទ្យុវាយោនាព្រឹក ថ្ងៃទី០៧ ខែឧសភានេះ លោកអ៊ុំ សំអាន តំណាងរាស្ត្រគណបក្សសង្គ្រោះជាតិ មណ្ឌលសៀមរាបបានឱ្យដឹងថា លោក និង លោកម៉ៅ មុនីវណ្ណ តំណាងរាស្ត្រគណបក្សសង្គ្រោះជាតិមណ្ឌលកំពង់ចាមនឹងពិភាក្សា ជាមួយថ្នាក់ដឹកនាំគណបក្សសង្គ្រោះជាតិ ដោយយោងតាមមាត្រា៩៨ថ្មីនៃរដ្ឋធម្មនុញ្ញ ដែលបានចែងថា រដ្ឋសភាក៏មានអំណាចទម្លាក់នាយករដ្ឋមន្ត្រី រដ្ឋមន្ត្រីឬក៏រដ្ឋាភិបាលទាំងមូល ចេញពីតំណែងដោយអនុម័តញត្តិ បន្ទោសតាមសំលេងឆ្នោត ភាគដាច់ខាតនៃចំនួនសមាជិកសភាទាំងមូល)។ ការពិភាក្សាលើចំណុចនេះ ក្នុងគោលបំណង ធ្វើញត្តិបន្ទោសលោកហោ ណាំហុង រួចបោះឆ្នោត ទម្លាក់ក្នុងសភា ឬក៏គ្រាន់កោះហៅមកបំភ្លឺក្នុងរដ្ឋសភា។ លោកអ៊ុំ សំអានបានបញ្ជាក់ថា ក្នុងការកោះហៅនោះ ក៏មានលោកវ៉ា គីមហុង ប្រធានគណៈកម្មាធិការកិច្ចការព្រំដែនកម្ពុជាផងដែរ។បប៉ុន្តែការសម្រេចយ៉ាងណានោះ គឺអាស្រ័យលើថ្នាក់ដឹកនាំគណបក្សសង្គ្រោះជាតិ។
សូមរំលឹកថា គោលបំណងបោះឆ្នោត ទម្លាក់លោកហោ ណាំហុង គឺក្រោយពីលោកហោ ណាំហុង កាលពីថ្ងៃទី០៤ឧសភា បានផ្ញើលិខិតមួយទៅកាន់លោកហេង សំរិន ប្រធានរដ្ឋសភាដោយរៀបរាប់ពីករណីកងកម្លាំងសមត្ថកិច្ចវៀតណាម បានដឹកនាំប្រជាពលរដ្ឋខ្លួន ធ្វើសកម្មភាពបាញ់ថ្នាំពុលបំផ្លាញដំណាំកសិករខ្មែរ កាលពីថ្ងៃទី១៩មេសា នៅភូមិជើង ឃុំជាំ ស្រុកមេមត់ ខេត្តត្បូងឃ្មុំ។
ឆ្លើយតបទៅលោកអ៊ុំ សំអាន លោក ឈាង វុន មន្ត្រីជាន់ខ្ពស់ របស់គណបក្សប្រជាជនកម្ពុជា បានមានប្រសាសន៍ប្រាប់វិទ្យុវាយោនៅរសៀលថ្ងៃទី០៧ ខែឧសភានេះថា «អ្នកតំណាងរាស្ត្ររបស់គណបក្សសង្គ្រោះជាតិ មិនអាចមានសំឡេងគ្រប់ ក្នុងការបោះឆ្នោតទម្លាក់លោកហោ ណាំហុង ចេញពីតំណែងបានទេ ពីព្រោះថា នៅក្នុងនីតិវិធីច្បាប់ បានបញ្ញាក់ថា ការបោះឆ្នោតទម្លាក់រដ្ឋមន្ត្រីណាមួយលុះត្រាតែមានសំឡេង៦២នាក់ឡើងទៅ»។ លោកបានបន្តថា «ការការបោះឆ្នោតទម្លាក់លោកហោ ណាំហុង បានលុះត្រាតែមានការចូលរួមពីគណបក្សប្រជាជនកម្ពុជា»។
យ៉ាងណាក្តី លោក ឈាង វុន មន្ត្រីជាន់ខ្ពស់ របស់គណបក្សប្រជាជនកម្ពុជា បានអះអាងថា« បើសិនជាលោកហោ ណាំហុង បានធ្វើអ្វីខុសមែន ឬមានឯកសារគ្រាប់គ្រាន់ តំណាងរាស្ត្រគណបក្សសង្គ្រោះជាតិអាចធ្វើការកោះហៅបាន ។ ម្យ៉ាងវិញទៀតគណបក្សទាំងពីរ អាចជជែកពិភាក្សាគ្នា តាមវប្បធម៌សន្ទនាដែលមានស្រាប់ មិនចាំបាច់ធ្វើបង្កឲ្យមានភាពរញ៉េញ៉ៃនោះទេ។
No comments:
Post a Comment