ការព្រមានរបស់លោកនាយករដ្ឋមន្រ្តីហ៊ុន សែន នាពេលនេះ បានធ្វើឡើងនៅក្នុងសារ SMS ផ្ញើជូន
លោក សម រង្ស៊ី មុនពេលប្រធានគណបក្សសង្គ្រោះជាតិចាកចេញដំណើរទៅកាន់ប្រទេសអាមេរិក និងកាណាដាកាលពីយប់ម្សិលមិញ និងត្រូវបានគេហទំព័រដើមអម្ពិលផ្សព្វផ្សាយនៅថ្ងៃទី០៥ ឧសភា ២០១៥ ។ ជាការកត់សម្គាល់ ការព្រមានបោះឆ្នោតទម្លាក់លោក កឹម សុខានេះដែរ បានធ្វើឡើងបន្ទាប់ពីអនុប្រធានទី១រដ្ឋសភា និងជាអនុប្រធានគណបក្សសង្គ្រោះជាតិរូបនេះ បានថ្លែងរិះគន់ជាបន្តបន្ទាប់ទៅលើរាជរដ្ឋាភិបាលដឹកនំាដោយលោក ហ៊ុន សែន និង គណបក្សប្រជាជនកម្ពុជា ។
នៅក្នុងសារ SMS ផ្ញើជូនលោក សម រង្ស៊ីនោះមានអត្ថន័យថា " នេះជាវប្បធ៌មសន្ទនាដែលឯ.ឧចង់បាន ។ ចង់បានការបំភ្លឺពីឯ.ឧ ! ខ្ញុំមិនអាចទទួលយក ការបកស្រាយរបៀបនេះបានទេ ខ្ញុំត្រូវចាប់មេចោរពិតនិងកូនចោរពិតដែលកំពុងមានសំណុំរឿងនៅតុលាការ ,សុំឯ.ឧកុំពឹងពាក់ដៃចោរ លើកលែងទោសឲ្យកូនចៅឯ.ឧទៀត ។ សូមបា្រប់ កឹម សុខាផង បើប៉ះពាល់ម្តងទៀត CPP នឹងបោះឆ្នោតទម្លាក់ហើយ " ៕
No comments:
Post a Comment