ប្រជាពលរដ្ឋមួយគ្រួសារ ចោទប្រកាន់មេឃុំស្រែព្រះ ស្រុកកែវសីមា ខេត្តមណ្ឌលគិរី ថាប្រើអំណាចដណ្ដើមយកដីដែលគាត់បានដាំដំណាំ និងកាន់កាប់ច្រើនឆ្នាំ ព្រមទាំងកាប់ និងដុតបំផ្លាញដំណាំក្នុងចម្ការ រំលោភសិទ្ធិគាត់ជាពលរដ្ឋ។
ចំណែកមេឃុំបដិសេធថា ជម្លោះដីធ្លី និងការចោទប្រកាន់របស់ប្រជាពលរដ្ឋ មិនទាក់ទិនចំពោះលោកជាមន្ត្រីមូលដ្ឋាននោះឡើយ។
ប្រជាពលរដ្ឋរស់នៅភូមិពូចា ឃុំស្រែព្រះ លោក ប៉ា សំផន អះអាងថា មេឃុំស្រែព្រះ បានកាប់បំផ្លាញដើមស្វាយចន្ទី និងដុតដើមដំឡូងរបស់គាត់អស់ ដោយសារតែមានកំហឹងក្នុងជម្លោះដីអាស្រ័យផល ២ហិកតារ ដែលមេឃុំប៉ុនប៉ងរំលោភយក។ លោកចាត់ទុកករណីនេះជាការប្រើអំណាចរបស់មន្ត្រីមូលដ្ឋាន រំលោភសិទ្ធិប្រជាពលរដ្ឋដោយអំពើហិង្សាធ្ងន់ធ្ងរ៖ «បំផ្លាញដំណាំលើដីខ្ញុំជាស្វាយចន្ទី ដំឡូងស្អីហ្នឹងកាប់ចិញ្ច្រាំ ខ្ញុំមានភស្តុតាងតើ។ សិទ្ធិអំណាចរបស់គាត់ប៉ះសិទ្ធិរបស់ខ្ញុំ អ៊ីចឹងខ្ញុំមានសិទ្ធិឲ្យសងការខូចខាតនៅលើដីខ្ញុំ»។
តាមការអះអាងរបស់ លោក ប៉ា សំផន ជម្លោះដីធ្លីនេះកើតឡើងតាំងពីឆ្នាំ២០១៣ ខណៈដែលក្រុមនិស្សិតស្ម័គ្រចិត្តរបស់រាជរដ្ឋាភិបាល ចុះវាស់វែងដីជូនប្រជាពលរដ្ឋតាមគោលនយោបាយផ្តល់ប័ណ្ណកម្មសិទ្ធិជូនប្រជាពលរដ្ឋ។ ចំណែកមេឃុំ បានជំទាស់ថា ដីដែលលោកកំពុងកាន់កាប់ជាដីមានទំនាស់ ហេតុនេះក្រុមនិស្សិតមិនបានវាស់វែងដីនោះនៅឡើយ។ រហូតមកទល់នឹងឆ្នាំ២០១៤ មេឃុំស្រែព្រះ មិនព្រមដោះស្រាយទំនាស់ដីធ្លីនេះទេ ដោយចាត់ទុកថា ដីទំនាស់ជាដីរបស់ខ្លួន ហើយរហូតមកទល់នឹងចុងខែមករា ឆ្នាំ២០១៥ លោកមេឃុំបានដឹកនាំកម្មករកាប់ដើមស្វាយចន្ទីដែលលោកបានដាំរយៈពេលជាង ១ឆ្នាំ និងដុតគំនរដើមដំឡូងដែលលោកគ្រោងនឹងដាំដុះបន្ថែមទៀត។
ផ្ទុយពីការលើកឡើងនេះ មេឃុំស្រែព្រះ លោក ព្យើស ពី បដិសេធថា ទំនាស់ដីធ្លីនេះមិនទាក់ទងជាមួយលោកទេ ពីព្រោះ លោក ប៉ា សំផន មករស់នៅលើដីប្រជាពលរដ្ឋម្នាក់ ហើយមិនព្រមចាកចេញ ទើបម្ចាស់ដីកាប់ដំណាំ និងដុតដើមដំឡូងនោះចោល។ ចំណែកម្ចាស់ដីជាអ្នកណា លោកមិនបញ្ជាក់ឲ្យដឹងឡើយ។ លោកបន្តថា បានអញ្ជើញ លោក ប៉ា សំផន មកដោះស្រាយបញ្ហាច្រើនលើកនៅសាលាឃុំ ប៉ុន្តែលោកមិនចូលខ្លួនមកដោះស្រាយ៖ «ម្ចាស់ដីគេជាប់ព្រំដីខ្ញុំមែន អ៊ីចឹងប្លង់ដីហ្នឹងដីតាម្នាក់ រឿងហ្នឹងគាត់ថាប្រើដីមួយឆ្នាំហើយ គាត់ថាឲ្យរើដំឡូងហ្នឹងចេញ ពីមុនគាត់ខ្ចីអ៊ីចឹង គាត់អត់រើ ហើយម្ចាស់ចម្ការគេហ្នឹងគេរើគេដុតចន្ទី មិនមែនខ្ញុំដុតទេណា!»។
កាលពីខែមីនា កន្លងទៅ លោក ប៉ា សំផន បានដាក់ពាក្យប្ដឹងមេឃុំស្រែព្រះ ទៅស្ថាប័នអយ្យការ ដើម្បីស៊ើបអង្កេត និងចោទប្រកាន់មន្ត្រីមូលដ្ឋានពីបទបំផ្លិចបំផ្លាញទ្រព្យសម្បត្តិប្រជាពលរដ្ឋ។
ទាក់ទិនករណីនេះដែរ មន្ត្រីសម្របសម្រួលសមាគមអាដហុក (adhoc) ខេត្តមណ្ឌលគិរី លោក សុក រដ្ឋា មានប្រសាសន៍បញ្ជាក់ថា ការអង្កេតបឋមរបស់លោករកឃើញថា ពិតជាមានការប្រើអំពើហិង្សាដុតបំផ្លាញដំណាំ លោក ប៉ា សំផន និងមានតម្រុយជាច្រើន ដែលធ្វើឲ្យសង្ស័យថា មេឃុំមានជាប់ពាក់ព័ន្ធអំពើហិង្សារំលោភច្បាប់នេះ។ លោកកត់សម្គាល់ថា ករណីបែបណាក៏ដោយ ការប្រើអំពើហិង្សាមិនមែនជាដំណោះស្រាយត្រឹមត្រូវ ដែលភាគីណាមួយអាចយកមកប្រើប្រាស់ដោះស្រាយជម្លោះនោះបានទេ៖ «ដើម្បីបង្ហាញថាដីនេះជារបស់អ្នកណាមួយពិតប្រាកដ មានតែច្បាប់ទេជាអ្នកដោះស្រាយ មុននឹងចូលទៅបំផ្លាញទ្រព្យសម្បត្តិលើដីហ្នឹង។ បើភាគីណាមួយចូលទៅបំផ្លិចបំផ្លាញ ភាគីរងគ្រោះអាចដាក់ពាក្យប្ដឹងពីការបំផ្លិចបំផ្លាញនេះ»។
ទោះជាយ៉ាងនេះក្តី មន្ត្រីសិទ្ធិមនុស្សដដែលអំពាវនាវសុំឲ្យមន្ត្រីតុលាការខេត្តមណ្ឌលគិរី ចាត់វិធានការស៊ើបអង្កេត និងវិនិច្ឆ័យរឿងក្តី ដើម្បីផ្តល់យុត្តិធម៌ជូនពលរដ្ឋអ្នករងគ្រោះដោយអំពើហិង្សានេះ៕
ចំណែកមេឃុំបដិសេធថា ជម្លោះដីធ្លី និងការចោទប្រកាន់របស់ប្រជាពលរដ្ឋ មិនទាក់ទិនចំពោះលោកជាមន្ត្រីមូលដ្ឋាននោះឡើយ។
ប្រជាពលរដ្ឋរស់នៅភូមិពូចា ឃុំស្រែព្រះ លោក ប៉ា សំផន អះអាងថា មេឃុំស្រែព្រះ បានកាប់បំផ្លាញដើមស្វាយចន្ទី និងដុតដើមដំឡូងរបស់គាត់អស់ ដោយសារតែមានកំហឹងក្នុងជម្លោះដីអាស្រ័យផល ២ហិកតារ ដែលមេឃុំប៉ុនប៉ងរំលោភយក។ លោកចាត់ទុកករណីនេះជាការប្រើអំណាចរបស់មន្ត្រីមូលដ្ឋាន រំលោភសិទ្ធិប្រជាពលរដ្ឋដោយអំពើហិង្សាធ្ងន់ធ្ងរ៖ «បំផ្លាញដំណាំលើដីខ្ញុំជាស្វាយចន្ទី ដំឡូងស្អីហ្នឹងកាប់ចិញ្ច្រាំ ខ្ញុំមានភស្តុតាងតើ។ សិទ្ធិអំណាចរបស់គាត់ប៉ះសិទ្ធិរបស់ខ្ញុំ អ៊ីចឹងខ្ញុំមានសិទ្ធិឲ្យសងការខូចខាតនៅលើដីខ្ញុំ»។
តាមការអះអាងរបស់ លោក ប៉ា សំផន ជម្លោះដីធ្លីនេះកើតឡើងតាំងពីឆ្នាំ២០១៣ ខណៈដែលក្រុមនិស្សិតស្ម័គ្រចិត្តរបស់រាជរដ្ឋាភិបាល ចុះវាស់វែងដីជូនប្រជាពលរដ្ឋតាមគោលនយោបាយផ្តល់ប័ណ្ណកម្មសិទ្ធិជូនប្រជាពលរដ្ឋ។ ចំណែកមេឃុំ បានជំទាស់ថា ដីដែលលោកកំពុងកាន់កាប់ជាដីមានទំនាស់ ហេតុនេះក្រុមនិស្សិតមិនបានវាស់វែងដីនោះនៅឡើយ។ រហូតមកទល់នឹងឆ្នាំ២០១៤ មេឃុំស្រែព្រះ មិនព្រមដោះស្រាយទំនាស់ដីធ្លីនេះទេ ដោយចាត់ទុកថា ដីទំនាស់ជាដីរបស់ខ្លួន ហើយរហូតមកទល់នឹងចុងខែមករា ឆ្នាំ២០១៥ លោកមេឃុំបានដឹកនាំកម្មករកាប់ដើមស្វាយចន្ទីដែលលោកបានដាំរយៈពេលជាង ១ឆ្នាំ និងដុតគំនរដើមដំឡូងដែលលោកគ្រោងនឹងដាំដុះបន្ថែមទៀត។
ផ្ទុយពីការលើកឡើងនេះ មេឃុំស្រែព្រះ លោក ព្យើស ពី បដិសេធថា ទំនាស់ដីធ្លីនេះមិនទាក់ទងជាមួយលោកទេ ពីព្រោះ លោក ប៉ា សំផន មករស់នៅលើដីប្រជាពលរដ្ឋម្នាក់ ហើយមិនព្រមចាកចេញ ទើបម្ចាស់ដីកាប់ដំណាំ និងដុតដើមដំឡូងនោះចោល។ ចំណែកម្ចាស់ដីជាអ្នកណា លោកមិនបញ្ជាក់ឲ្យដឹងឡើយ។ លោកបន្តថា បានអញ្ជើញ លោក ប៉ា សំផន មកដោះស្រាយបញ្ហាច្រើនលើកនៅសាលាឃុំ ប៉ុន្តែលោកមិនចូលខ្លួនមកដោះស្រាយ៖ «ម្ចាស់ដីគេជាប់ព្រំដីខ្ញុំមែន អ៊ីចឹងប្លង់ដីហ្នឹងដីតាម្នាក់ រឿងហ្នឹងគាត់ថាប្រើដីមួយឆ្នាំហើយ គាត់ថាឲ្យរើដំឡូងហ្នឹងចេញ ពីមុនគាត់ខ្ចីអ៊ីចឹង គាត់អត់រើ ហើយម្ចាស់ចម្ការគេហ្នឹងគេរើគេដុតចន្ទី មិនមែនខ្ញុំដុតទេណា!»។
កាលពីខែមីនា កន្លងទៅ លោក ប៉ា សំផន បានដាក់ពាក្យប្ដឹងមេឃុំស្រែព្រះ ទៅស្ថាប័នអយ្យការ ដើម្បីស៊ើបអង្កេត និងចោទប្រកាន់មន្ត្រីមូលដ្ឋានពីបទបំផ្លិចបំផ្លាញទ្រព្យសម្បត្តិប្រជាពលរដ្ឋ។
ទាក់ទិនករណីនេះដែរ មន្ត្រីសម្របសម្រួលសមាគមអាដហុក (adhoc) ខេត្តមណ្ឌលគិរី លោក សុក រដ្ឋា មានប្រសាសន៍បញ្ជាក់ថា ការអង្កេតបឋមរបស់លោករកឃើញថា ពិតជាមានការប្រើអំពើហិង្សាដុតបំផ្លាញដំណាំ លោក ប៉ា សំផន និងមានតម្រុយជាច្រើន ដែលធ្វើឲ្យសង្ស័យថា មេឃុំមានជាប់ពាក់ព័ន្ធអំពើហិង្សារំលោភច្បាប់នេះ។ លោកកត់សម្គាល់ថា ករណីបែបណាក៏ដោយ ការប្រើអំពើហិង្សាមិនមែនជាដំណោះស្រាយត្រឹមត្រូវ ដែលភាគីណាមួយអាចយកមកប្រើប្រាស់ដោះស្រាយជម្លោះនោះបានទេ៖ «ដើម្បីបង្ហាញថាដីនេះជារបស់អ្នកណាមួយពិតប្រាកដ មានតែច្បាប់ទេជាអ្នកដោះស្រាយ មុននឹងចូលទៅបំផ្លាញទ្រព្យសម្បត្តិលើដីហ្នឹង។ បើភាគីណាមួយចូលទៅបំផ្លិចបំផ្លាញ ភាគីរងគ្រោះអាចដាក់ពាក្យប្ដឹងពីការបំផ្លិចបំផ្លាញនេះ»។
ទោះជាយ៉ាងនេះក្តី មន្ត្រីសិទ្ធិមនុស្សដដែលអំពាវនាវសុំឲ្យមន្ត្រីតុលាការខេត្តមណ្ឌលគិរី ចាត់វិធានការស៊ើបអង្កេត និងវិនិច្ឆ័យរឿងក្តី ដើម្បីផ្តល់យុត្តិធម៌ជូនពលរដ្ឋអ្នករងគ្រោះដោយអំពើហិង្សានេះ៕
No comments:
Post a Comment