ស្រះទឹកដែលមានទទឹង៥០ម៉ែត្រ បណ្ដោយ
៣០០ម៉ែត្រ ជាប់ និងផ្លូវជាតិលេខ៧៨ ស្ថិតនៅទីរួមស្រុកកូនមុំ ខេត្តរតនគីរី ដែលសម្ដេចតេជោ បានមើលឃើញពីការកង្វះ និងមានការលំបាកផ្នែកផ្គត់ផ្គង់ទឹក របស់ប្រជាពលរដ្ឋរស់នៅតំបន់នោះ សម្ដេចក៏បានជួលអោយ ក្រុមហ៊ុនវៀតណាម ជីកទុកជាអំណោយដល់ប្រជាពលរដ្ឋ កាលពីឆ្នាំ១៩៨៩។ ហើយប្រជាពលរដ្ឋបានប្រើប្រាស់ចំណេររៀងមក ចំណែកអ្នកដែលនៅឆ្ងាយ ត្រូវអាជីវករ ដឹកទឹកពីក្នុងស្រះនេះយកទៅលក់អោយប្រើប្រាស់ជារៀងរាល់ថ្ងៃ។ បច្ចុប្បន្នត្រូវអាជ្ញាធរ ស្រុកកូនមុំ ដឹកដីមកចាក់ឈូសលប់ កេរ្តិ៍ដំណែលស្រះនេះ ដើម្បីអភិវឌ្ឍន៍ ជាដីឡូរ៍ ជាប្លង់ផ្ទះល្វែងលក់។
លោក ស៊ុន សំ អតីតជាអនុប្រធានស្រុកកូនមុំ បច្ចុប្បន្នក្រុមប្រឹក្សាស្រុកកូនមុំ បានអោយដឹងថា ដីស្រះនេះ កាលពីដើមជាដីកាំសិទ្ធរបស់គាត់ តែគាត់បានបរិច្ចាគជូនសម្ដេច ដើម្បីធ្វើស្រះនេះជូនប្រជាពលរដ្ឋ។លោក បានបន្តថា ប្រជាពលរដ្ឋជាង១០០គ្រួសារ បានរអ៊ូរទាំដែរ តែពួកគាត់មិនហ៊ានតវ៉ា ដោយសារមានគំនាប លោកមិនបានបញ្ជាក់អំពីគំនាបយ៉ាងណានោះទេ។
លោក ថោ ប៊ុនថេត ប្រធានការិយាល័យភូមិបាលស្រុកកូនមុំ លោកថា ទាក់ទិនទៅនិងការឈូសលប់ស្រះទឹកនេះលោកមិនដឹងទេ សួរទៅលោកអភិបាលស្រុកទើបដឹង។លោក ធឿន ចាន់ធៀង អភិបាលស្រុកកូនមុំ និយាយថា ការលុបស្រះនេះ លោកមិនបាច់ប្រជុំអោយក្រុមដឹងទេ មិនបានការអីទេ ហើយលោកលប់ស្រះនេះ ដើម្បីអង្កន់ជាប្លង់ផ្ទះល្វែងសំរាប់លក់យកលុយមកអភិវឌ្ឍន៍ ចំណុចនេះជាសួនច្បារ ហើយលោកជីកស្រះទឹកខាងក្រោយ ចំណុចនេះជំនួសវិញ។
លោក ទឹម ស៊ីណាត ប្រធានមន្ទីរសូរិយោដីខេត្ត លោកថា ករណីខាងលើនេះលោកពុំបានដឹងទេ។ទោះជាយ៉ាងណា សមាជិកក្នុងក្រុមប្រឹក្សាស្រុកកូនមុំម្នាក់បានលួចបង្ហើបថា បច្ចុប្បន្នលោក ធឿន ចាន់ធៀង អភិបាលស្រុកកូនមុំជាបុរសមានអំណាចខ្លាំង គាត់ធ្វើអ្វី អាកាត់តែម្នាក់ឯង គាត់មិនដែលប្រជុំក្រុមប្រឹក្សា ដើម្បីពិភាក្សានោះទេ៕
.jpg)
No comments:
Post a Comment