គណបក្សប្រជាជនចេញលិខិតជាផ្លូវការ ចាប់ផ្តើមចាត់ចែងឱ្យមន្រ្តីខ្លួន តាមដានការអនុវត្ត វប្បធម៌សន្ទនា

(ភ្នំពេញ)៖ គណៈអចិន្រ្តៃយ៍គណៈកម្មាធិការកណ្តាល នៃគណបក្សប្រជាជនកម្ពុជា ពេលនេះចាប់ផ្តើមចាត់ចែង ឱ្យមន្រ្តីរបស់ខ្លួន តាមដានការអនុវត្តវប្បធម៌សន្ទនា របស់គណបក្សគណបក្សសង្រ្គោះជាតិ នៅតាមមូលដ្ឋាន ជាពិសេស កត់ត្រានូវពាក្យជេរប្រមាថទាំងឡាយ មកលើថ្នាក់ដឹកនាំ គណបក្សរបស់ខ្លួន នេះបើតាមលិខិតរបស់លោក សាយ ឈុំ អគ្គលេខាធិការ CPP ដែល យើងទទួលបាននៅថ្ងៃទី៦ ខែឧសភានេះ។


លោក សាយ ឈុំ បានបញ្ជាឱ្យមន្រ្តីគណបក្សប្រជាជនទាំងអស់កត់ត្រាឱ្យបានច្បាស់លាស់ បើសិនជាមានពាក្យជេរប្រមាថមួយចំនួន ដូចជា «អាក្បាលយួនខ្លួនខ្មែរ» «ពួកកុម្មុនីស្តផ្តាច់ការ» «ពួកអាយ៉ងយួន» «ពួកអាក្បត់ជាតិ» «ពួកអាលក់ជាតិ» «អាមេចោរ» និងភាសាជេរប្រមាថ ផ្សេងទៀត ៕