បន្ទាប់ពីមានសេចក្តីថ្លែងការណ៍រិះគន់លើលោករ៉ុង ឈុន បច្ចុប្បន្នជាសមាជិកថ្មី នៃគណៈកម្មាធិការជាតិរៀបចំការបោះឆ្នោត(គជប) ក្នុងការចូលរួមទិវាពលកម្មអន្តរជាតិ ១ឧសភា ជាមួយនឹងតំណាងរាស្ត្រគណបក្សសង្គ្រោះជាតិ
អតីតប្រធានសមាគមគ្រូបង្រៀនកម្ពុជាឯករាជ្យរូបនេះ បានឆ្លើយតបថា សេចក្តីថ្លែងការណ៍រិះគន់របស់គណបក្សប្រជាជនកម្ពុជានេះ ធ្វើឡើងខុសការពិត ហើយការចូលរួមក្នុងទិវានេះ គឺជាសិទ្ធិរបស់ប្រជាពលរដ្ឋគ្រប់រូប។ លោករ៉ុង ឈុន បន្តថា ការចូលរួមនេះ មិនអាចធ្វើឲ្យបាត់បង់នូវឯករាជ្យភាពរបស់ គជបនោះទេ ព្រោះក្នុងបទបញ្ជាផ្ទៃក្នុង នៃគជប មិនបានហាមឃាត់ដល់សេរីភាពបែបនេះដែរ។
គួរបញ្ជាក់ថា លោកសួស យ៉ារ៉ា អ្នកនាំពាក្យគណបក្សប្រជាជនកម្ពុជា បានចេញសេចក្តីថ្លែងការណ៍រិះគន់ លោករ៉ុង ឈុន ចូលរួមទិវាពលកម្មអន្តរជាតិ ជាមួយតំណាងរាស្ត្រគណបក្សសង្គ្រោះជាតិ ថាជាទង្វើបង្ហាញនូវទំនាស់ផលប្រយោជន៍យ៉ាងពិតប្រាកដ និងប៉ះពាល់ដល់តម្លៃ គជប ដែលគណបក្សទាំង២ បានប្តេជ្ញាថា នឹងធ្វើឲ្យស្ថាប័ននេះ ឯករាជ្យ និងអព្យាក្រឹត៕
No comments:
Post a Comment