យោងតាម Oryza ជាគេហទំព័រអង្ករមានមូលដ្ឋាននៅប្រទេសថៃ ប្រទេសអ៊ីរ៉ាក់បានអញ្ជើញអ្នកដេញថ្លៃពីប្រទេស អ៊ុយរូហ្គាយ អាហ្សង់ទីន ប្រេស៊ីល វៀតណាម កម្ពុជា ប៉ាគីស្ថាន ឥណ្ឌា ថៃ និងអាមេរិក។ កាលបរិច្ឆេទចុងក្រោយសម្រាប់ការ
ដាក់ឯកសារដេញថ្លៃគឺថ្ងៃទី ២៦ ខែមេសា ឆ្នាំ ២០១៥ ហើយការផ្ដល់ជូននៅតែមានសុពលភាពរហូតដល់ថ្ងៃទី ៣០ ខែមេសា ឆ្នាំ២០១៥។
លោក សុង សារ៉ន អគ្គនាយក និងជាប្រធានក្រុមហ៊ុន Amru Rice (Cambodia) ដែលជាក្រុមហ៊ុនវិនិយោគរួមជាមួយក្រុមហ៊ុនកូរ៉េ Hanwha បានចុះហត្ថលេខារួចហើយលើកិច្ចសន្យាជាមួយក្រុមហ៊ុនឯកជនរបស់ប្រទេសអ៊ីរ៉ាក់ដើម្បីផ្គត់ផ្គង់អង្ករ ១ ០០០ តោនក្នុងមួយឆ្នាំ។
ប៉ុន្តែលោកបានថ្លែងថា អង្ករ ៣ម៉ឺនតោនកំពុងស្ថិតក្រោមកិច្ចព្រមព្រៀងរដ្ឋាភិបាលដែលតម្រូវឲ្យក្រុមហ៊ុនរបស់លោកត្រូវរៀបចំឲ្យបានល្អប្រសើរជាមួយនឹងកិច្ចព្រមព្រៀងដ៏ធំនេះ។
លោកលើកឡើងថា៖ «នៅពេលនេះយើងកំពុងធ្វើការងារលើបញ្ហានេះដើម្បីចូលរួមដេញថ្លៃមុនពេលការកំណត់។ ប៉ុន្តែយើងចង់បញ្ចុះបញ្ចូលពួកគេ[សម្រាប់យើង]ឲ្យផ្គត់ផ្គង់ប្រហែល ៣ ម៉ឺនតោនក្នុងមួយឆ្នាំ។
លោកបន្ថែមថា ប្រទេសអ៊ីរ៉ាក់ចាំបាច់ត្រូវនាំចូលអង្ករជាង ៥០ ម៉ឺនតោនក្នុងមួយឆ្នាំដើម្បីបំពេញតម្រូវការ។ លោកបញ្ជាក់ថា៖ «បើយើងអាចទទួលបានវា វានឹងជាទិសដៅដ៏ល្អផ្សេងទៀតសម្រាប់ពួកយើងដោយសារតែតម្លៃរបស់ពួកគេគឺល្អ»។
ប៉ុន្តែលោក វ៉ាន ដាវិដ ទីប្រឹក្សាជាន់ខ្ពស់នៅសហព័ន្ធស្រូវ អង្ករកម្ពុជា បានឲ្យដឹងថា ក្រុមហ៊ុននាំចេញក្នុងស្រុករបស់កម្ពុជានៅតែប្រឈមនឹងបញ្ហាមួយចំនួនទាក់ទងនឹងសមត្ថភាពរបស់ពួកគេ ដើម្បីឆ្លើយតបតាមលក្ខខណ្ឌ នីតិវិធីមួយចំនួន។
លោកបានបញ្ជាក់ថា៖ «ខ្ញុំមិនគិតថា ក្រុមហ៊ុននាំចេញកម្ពុជាមានជំនាញខ្ពស់ដើម្បីធានាលើការគ្រប់គ្រងហានិភ័យទាំងអស់តាមរយៈការលក់ទៅឲ្យប្រទេសនោះទេ»។ លោកបានបន្តថា៖ «ប៉ុន្តែវាអាចជាភាពក្លាហានខាងក្រៅ ដែលក្រុមហ៊ុននាំចេញកម្ពុជាខិតខំប្រឹងប្រែង»។
កម្ពុជាបាននាំចេញអង្ករ ២០៧ តោនទៅកាន់ប្រទេសអ៊ីរ៉ាក់នៅត្រីមាសទី១ឆ្នាំនេះ ខណៈបាននាំចេញអង្ករប្រហែល ៨២៨ តោន កាលពីឆ្នាំមុន។ នេះបើតាមទិន្នន័យបានពីក្រសួងកសិកម្ម៕
No comments:
Post a Comment