កិច្ច គ.ជ.បនេះ បានបញ្ចប់លើខ្លឹមសារនៃសេចក្តីព្រាងព្រះ
រាជក្រឹត្យ ស្តីពី លក្ខន្តិកដោយឡែកនៃក្របខ័ណ្ឌមន្ត្រីរាជការ នៃគ.ជ.ប ហើយសម្រេបានជាលទ្ធផលសំខាន់ៗចំនួន៣ចំនុចដូចខាងក្រោម៖
ទី១.បញ្ចប់លើសេចក្ដីព្រាងព្រះរាជក្រឹត្យ ស្ដីពីលក្ខន្តិកដោយឡែកនៃក្របខណ្ឌមន្ត្រីរាជការនៃគ.ជ.ប។ខ្លឹមសារខ្លះនៃសេចក្តីព្រាង បានចែងថា៖
-មន្ត្រីបុគ្គលិក ដែលកំពុងបម្រើការងារក្នុងអគ្គលេខាធិការដ្ឋាន គ.ជ.ប ត្រូវបានធ្វើសមាហរណកម្មទៅក្នុងក្របខណ្ឌនៃលក្ខន្តិកដោយឡែក។
-អ្នករាជការនៃគ.ជ.ប ទាំងអស់ត្រូវចូលនិវត្តន៍នៅអាយុ ៦០។ ប៉ុន្តែបន្ទាប់ពីព្រះរាជក្រឹត្យចូលជាធរមាន មន្ត្រីដែលចូលនិវត្តន៍អាចអនុញ្ញាតបន្តឲ្យធ្វើការបានតាមការស្នើសុំរបស់សាម៉ីខ្លួន ១ឆ្នាំម្តងៗ ដោយការសម្រេចពីគ.ជ.ប ប៉ុន្តែមិនលើសពី ៤ដង។
-ការជ្រើសរើសមន្ត្រីបុគ្គលិកចូលបំរើការងារក្នុងក្របខណ្ឌនៃគ.ជ.ប ត្រូវធ្វើឡើងតាមការប្រឡងប្រជែង ហើយបេក្ខជនជាស្ត្រី ជាជនជាតិដើមភាគតិច និងជនដែលមានពិការភាព ត្រូវបានលើកទឹកចិត្ត។
ទី២. ការជួបជុំសំណេះសំណាលរវាងថ្នាក់ដឹកនាំគ.ជ.ប ជាមួយមន្ត្រីបុគ្គលិកនៃអគ្គលេខាធិការដ្ឋានគ.ជ.ប ត្រូវធ្វើនៅថ្ងៃ៣០ ខែមេសា ឆ្នាំ២០១៥។
ទី៣ ការបើកវគ្គបណ្ដុះបណ្ដាលអំពីច្បាប់ស្ដីពីការរៀបចំ និងការប្រព្រឹត្ត ទៅនៃគ.ជ.ប និងច្បាប់ស្ដីពីការបោះឆ្នោតជ្រើសតាំងតំណាងរាស្ត្រ ដល់មន្ត្រីលេខាធិការ ដ្ឋានរាជធានី ខេត្ត រៀបចំការបោះឆ្នោតទាំង២៥ ដែលមានសរុបចំនួន ៦៥នាក់ត្រូវធ្វើនៅថ្ងៃព្រហស្បតិ៍ ទី០៧ ខែឧសភា ឆ្នាំ២០១៥៕
No comments:
Post a Comment