តាមអ្នកនាំពាក្សដដែលបានបន្តថា«សម្តេចក្រុមព្រះ នរោត្តម រណឫទិ្ធ ព្រះប្រធានគណបក្សហ្វ៊ុនស៊ិនប៉ិច ក៏បានអំពាវនាវទៅកាន់អ្នកគាំទ្ររបស់ខ្លួនកុំឲ្យមានការព្រួយបារម្ភផងដែរ។ ជាបន្តសូមស្តាប់ប្រសាសន៍របស់លោកលោក ញ៉េប ប៊ុនជិន អ្នកនាំពាក្យគណបក្សហ្វ៊ុនស៊ិនប៉ិចដែលបានរៀបចំដោយគួន សំបូរ ដូចតទៅ។
សម្លេងលោក ញ៉េប ប៊ុនជិន៖
គួរបញ្ជាក់ថា សម្តេចក្រុមព្រះ នរោត្តម រណឫទិ្ធព្រះប្រធានគណបក្សហ្វ៊ុនស៊ិនប៉ិច បានជួបគ្រោះថ្នាក់ចរាចរណ៍រវាងរថយន្តរបស់ព្រះអង្គ បុកជាមួយនឹងរថយន្តដឹកដី ធុនធ្ងន់មួយគ្រឿងនៅវេលាម៉ោង១២ ថ្ងៃទី ២៥ ខែមេសា ត្រង់ចំនុចភូមិអំពិលធំ ឃុំខ្វិតធំស្រុកព្រៃឈរ ខេត្តកំពង់ចាម។ នៅក្នុងគ្រោះថ្នាក់ចរាចរណ៍នោះសម្តេចក្រុមព្រះ នរោត្តម រណឫទ្ធិ មិនទទួលរងរបួសទេ ប៉ុន្តែអ្នកម្នាងអ៊ុក ផល្លា បានរងរបួសធ្ងន់ត្រង់ក្បាលហើយត្រូវបានបញ្ជូនទៅព្យាបាលនៅប្រទេសថៃបន្តទៀត៕
(ដោយ៖គួន សំបូរ)
No comments:
Post a Comment