លោក ថោង សារ៉ាត់ ជនសង្ស័យជាមេខ្លោងនៅពីក្រោយការបាញ់សម្លាប់ឧកញ៉ា អ៊ឹង ម៉េងជឺ ត្រូវបានសមត្ថកិច្ចកម្ពុជាចាប់ខ្លួនហើយ កាលពីយប់ថ្ងៃទី១៦ ខែមេសា ចំថ្ងៃបញ្ចប់ នៃពិធីបុណ្យចូលឆ្នាំខ្មែរ។
អ្នកនាំពាក្យក្រសួងមហាផ្ទៃលោក ខៀវ សុភ័គ ឲ្យដឹងនៅព្រឹកថ្ងៃទី១៧ មេសា ថា លោក ថោង សារ៉ាត់ ត្រូវបានសមត្ថកិច្ចចាប់ខ្លួន នៅពេលលោកធ្វើដំណើរឆ្លងចូលទឹកដីខ្មែរក្នុងក្រុងបាវិត ខេត្តស្វាយរៀង។ លោក ខៀវ សុភ័គ បញ្ជាក់ថា លោក ថោង សារ៉ាត់ ត្រូវបានបញ្ជូនខ្លួនទៅសាកសួរនៅស្នងការដ្ឋាននគរបាលរាជធានីភ្នំពេញ ដើម្បីបន្តនីតិវិធីបញ្ជូនទៅកាន់តុលាការ។ ទោះយ៉ាងណា លោកមិនទាន់អាចបញ្ជាក់ថា នឹងត្រូវបញ្ជូនទៅតុលាការនៅពេលណានោះទេ។
លោក ថោង សារ៉ាត់ ជាជនសង្ស័យនៅពីក្រោយករណីបាញ់សម្លាប់ លោកឧកញ៉ា អ៊ឹង ម៉េងជឺ កាលពីឆ្នាំមុននៅកណ្ដាលរាជធានីភ្នំពេញ។ ករណីឃាតកម្មដ៏កក្រើកក្នុងរាជធានីភ្នំពេញនេះ ត្រូវបានតុលាការចោទប្រកាន់អង្គរក្សទាំង៤នាក់ របស់លោក ថោង សារ៉ាត់ ជាអ្នកសម្លាប់លោកឧកញ៉ា អ៊ឹង ម៉េងជឺ។
លោក ថោង សារ៉ាត់ បានរត់គេចខ្លួនអស់រយៈពេលជិត៦ខែមកហើយ បន្ទាប់ពីសមត្ថកិច្ចដាក់ការសង្ស័យលើរូបលោក។
អ្នកនាំពាក្យក្រសួងមហាផ្ទៃលោក ខៀវ សុភ័គ ឲ្យដឹងនៅព្រឹកថ្ងៃទី១៧ មេសា ថា លោក ថោង សារ៉ាត់ ត្រូវបានសមត្ថកិច្ចចាប់ខ្លួន នៅពេលលោកធ្វើដំណើរឆ្លងចូលទឹកដីខ្មែរក្នុងក្រុងបាវិត ខេត្តស្វាយរៀង។ លោក ខៀវ សុភ័គ បញ្ជាក់ថា លោក ថោង សារ៉ាត់ ត្រូវបានបញ្ជូនខ្លួនទៅសាកសួរនៅស្នងការដ្ឋាននគរបាលរាជធានីភ្នំពេញ ដើម្បីបន្តនីតិវិធីបញ្ជូនទៅកាន់តុលាការ។ ទោះយ៉ាងណា លោកមិនទាន់អាចបញ្ជាក់ថា នឹងត្រូវបញ្ជូនទៅតុលាការនៅពេលណានោះទេ។
លោក ថោង សារ៉ាត់ ជាជនសង្ស័យនៅពីក្រោយករណីបាញ់សម្លាប់ លោកឧកញ៉ា អ៊ឹង ម៉េងជឺ កាលពីឆ្នាំមុននៅកណ្ដាលរាជធានីភ្នំពេញ។ ករណីឃាតកម្មដ៏កក្រើកក្នុងរាជធានីភ្នំពេញនេះ ត្រូវបានតុលាការចោទប្រកាន់អង្គរក្សទាំង៤នាក់ របស់លោក ថោង សារ៉ាត់ ជាអ្នកសម្លាប់លោកឧកញ៉ា អ៊ឹង ម៉េងជឺ។
លោក ថោង សារ៉ាត់ បានរត់គេចខ្លួនអស់រយៈពេលជិត៦ខែមកហើយ បន្ទាប់ពីសមត្ថកិច្ចដាក់ការសង្ស័យលើរូបលោក។
No comments:
Post a Comment