ខេត្តបន្ទាយមានជ័យ ៖ បុរសអនាថាម្នាក់ ទំនងជាដាច់បាយជាច្រើនថ្ងៃ បានដេកស្លាប់ នៅក្នុងប្រឡាយទឹក ក្បែរគំនរសំរាម ចុងភូមិព្រៃព្រិច សង្កាត់-ក្រុងប៉ោយប៉ែត ខេត្តបន្ទាយមានជ័យ បង្កឲ្យមានការភ្ញាក់ផ្អើល ដល់អ្នកភូមិទៅចោមរោមមើលកាលពីវេលាម៉ោង ១១និង៤០ នាទី ថ្ងៃទី១៣ ខែមីនា ឆ្នាំ២០១៥។
សាក្សីបានឲ្យដឹងថា បុរសរងគ្រោះ អាយុប្រមាណ ៤០ឆ្នាំ តែងដើរសុំបាយតាមផ្ទះ និងតាមវត្តអារ៉ាម ដើម្បីទទួលទាន ហើយតែងតែដើររើស កាកសំណល់ តាមគំនរសំរាម ជារៀងរាល់ថ្ងៃ ទើបតែបាត់មួយថ្ងៃ មិនឃើញដើរមករកអីហូប
បែរជាមកដេកស្លាប់ យ៉ាងអាណោចអាធ័ម។សមត្ថកិច្ចដែលចុះទៅពិនិត្យ បានឲ្យដឹងថា សាកសពរងគ្រោះ ពុំស្គាល់អត្តសញ្ញាណនោះទេ ហើយដេកស្លាប់ មានតែខោខ្លីប៉ុណ្ណោះ គ្មានអាវ គ្មានខោនោះឡើយ ។
បើតាមមន្ត្រីជំនាញ ដែលធ្វើកោសល្យវិច័យ បានឲ្យដឹងថា សាកសពខាងលើនេះ គ្មានអ្វីគូរឲ្យកត់សំគាល់នោះទេ ហើយក៏គ្មានស្នាកស្នាមអ្វី ពាក់ព័ន្ធនិងអំពើ ឃាតកម្មនោះឡើយ គឺស្លាប់ដោយសារ តែអត់បាយ ហើយខ្យល់គរ។ ក្រោយពីធ្វើ កោសល្យវិច័យរួចរាល់ សមត្ថកិច្ចនគរបាល ក្រុងប៉ោយប៉ែត បានយក សាកសពជនរងគ្រោះ ទៅធ្វើបុណ្យ និងបូជាតាមប្រពៃណីខ្មែរ នៅវត្តស្រះត្រាច៕
No comments:
Post a Comment