.jpg)
នាយិកាមជ្ឈមណ្ឌលសិទ្ធិមនុស្សកម្ពុជា យល់ថាការរាយការណ៍ព័ត៌មានខុសជាមូលហេតុធ្វើឲ្យលោកនាយករដ្ឋមន្ត្រី ហ៊ុន សែន ខឹងនឹងលោក កឹម សុខា អនុប្រធានទី១នៃរដ្ឋសភាមកពីគណបក្សសង្គ្រោះជាតិ ។
តាមការផ្សាយរបស់វិទ្យុបារាំងអន្តរជាតិ RFI នៅថ្ងៃទី១៦ ខែមីនា ឆ្នាំ២០១៥ អត្ថបទមានចំណងជើងថា “លោក កឹម សុខា សារភាពថា គណបក្សសង្គ្រោះជាតិ មិនអាចផ្ដួលរំលំរដ្ឋាភិបាលគណបក្សប្រជាជនកម្ពុជាបានទេ” លោក លី ម៉េងហួរ បានសរសេរនៅក្នុងសេចក្ដីផ្ដើមរបស់លោកថា «លោក កឹមសុខា អនុប្រធានគណបក្សសង្គ្រោះជាតិ ដែលកំពុងទស្សនកិច្ចនៅអាមេរិក បានប្រកាសសារភាពថា លោក និងគណបក្សសង្គ្រោះជាតិ មិនអាចផ្តួលរំ[លំ]រដ្ឋាភិបាល ដឹកនាំដោយគណបក្សប្រជាជនកម្ពុជា តាមរយៈការផ្លាស់ប្តូរ ដែលជាគោលដៅរបស់គណបក្សប្រឆាំងនោះឡើយ។ ចំពោះមុខអ្នកគាំទ្រខ្មែរនៅអាមេរិក លោកកឹមសុខា ក៏បានបង្ហាញក្តីអស់សង្ឃឹម ដែលសហគមន៍អន្តរជាតិ និងមហាអំណាច មិនជួយដល់គណបក្សសង្គ្រោះជាតិ ក្នុងការផ្តួលរំលំគណបក្សប្រជាជនកម្ពុជា តាមរយៈកម្លាំងមហាជន ធ្វើបាតុកម្ម តាមផ្លូវ»។
ពីរថ្ងៃក្រោយការផ្សាយនោះ គឺនៅថ្ងៃ១៨ ខែមីនា ក្នុងឱកាសសម្ពោធផ្លូវមួយនៅខេត្តបន្ទាយមានជ័យ លោកនាយករដ្ឋមន្ត្រី ហ៊ុន សែន ព្រមានចាត់វិធានការលើលោក កឹម សុខា ដោយលោកនាយករដ្ឋមន្ត្រីអះអាងថា លោក កឹម សុខា បានសារភាពពីការបរាជ័យលើការរៀបគម្រោងផ្តួលរំលំរដ្ឋាភិបាលរបស់គណបក្សប្រជាជនកម្ពុជា ។
លោក កឹម សុខា ក្នុងបទសម្ភាសន៍មួយជាមួយវិទ្យុអាស៊ីសេរី ដែលបានផ្សាយនៅយប់ថ្ងៃពុធម្សិលមិញមានប្រសាសន៍ថា លោកមិនបានប្រើពាក្យថាផ្ដួលរំលំរដ្ឋាភិបាល ឬគណបក្សកាន់អំណាចនោះទេ ។ លោកបញ្ជាក់ថា លោកជាអ្នកប្រកាន់ធម៌អហិង្សា ហើយលោកថា លោកប្រឆាំងនឹងអ្នកណាដែលចូលចិត្តប្រើអំពើហិង្សា «បាទ ខ្ញុំសូមបំភ្លឺ និងជម្រាបជូនបងប្អូនជនរួមជាតិថា គឺអាចសម្ដេចហ៊ុន សែន លោកទទួលរបាយការណ៍ពីណាមកច្រឡំ ឬក៏ដោយសារអ្នកព័ត៌មាន ដែលយកពាក្យពេចន៍ខ្ញុំយកទៅនិយាយមិនពិត គឺខ្ញុំអត់មានបានប្រើពាក្យថា ផ្ដួលរំលំរដ្ឋាភិបាល ឬគណបក្សកាន់អំណាចនោះទេ» ។
នាយកគ្រប់គ្រងវិទ្យុបារាំងអន្តរជាតិ លោក ហ្សង់-ហ្វ្រង់ស័រ តាន់ មានប្រសាសន៍ថា អ្នកសរសេរព័ត៌មានរបស់លោកបានប្រើពាក្យថា “ផ្ដួលរំលំរដ្ឋាភិបាល” មែន ។ ប៉ុន្តែលោកបញ្ជាក់ថា មួយថ្ងៃក្រោយមក ខាងលោកបានកែតម្រូវរួចហើយ «ខ្ញុំចង់បញ្ជាក់រឿងមួយ ត្រង់ថា បើសិនជានាយករដ្ឋមន្ត្រីនៃប្រទេសកម្ពុជា ពឹងផ្អែកទៅលើអ្វីដែលវិទ្យុបារាំងបានផ្សាយ ដើម្បីប្រតិកម្មទាក់ទិននឹងលោក កឹម សុខា។ ខ្ញុំយល់ឃើញថា យើងមើលស្រាលថ្នាក់ដឹកនាំ ។ ថ្នាក់ដឹកនាំកំពូលមុននឹងមានប្រតិកម្មអ្វីមួយ មិនមែនស្ដាប់តែវិទ្យុ ឬមើលតែប្រេសញូវស៍ទេ តាមខ្ញុំយល់គាត់ក៏បានស្ដាប់សម្ដីរបស់ឯកឧត្តមកឹម សុខាខ្លួនឯងដែរ ។ វិទ្យុបារាំងថ្ងៃនុ៎ង អត់មានបកស្រាយអ្វីទាំងអស់ គ្រាន់តែប្រើពាក្យផ្ដួលរំលំមួយម៉ាត់ប៉ុនហ្នឹង ក្រោយមកយើងបានកែប្រែភ្លាម ថាជាការផ្លាស់ប្ដូរទាំងស្រុង និងភ្លាមៗ»។
អ្នកវិភាគឯករាជ្យលោក អ៊ូ វីរៈ មានប្រសាសន៍ថា បើតុលាការឯករាជ្យ នោះគេមិនចេះតែចាត់ការអ្វីមួយ តាមតែលោកនាយករដ្ឋមន្ត្រីស្រែកនោះទេ ព្រោះគេមិនអាចស្ដាប់ព័ត៌មានតែមួយ ដោយគ្មានការផ្ទៀងផ្ទាត់ឲ្យបានច្បាស់លាស់ជាមួយប្រភពដើមនោះឡើយ ។ លោកថា ទាំងអ្នកនយោបាយ ទាំងអ្នកសារព័ត៌មាន និងទាំងសង្គមទាំងមូល មិនគួរលោតកញ្ជ្រោលលឿនពេកនោះទេ វានឹងធ្វើឲ្យសង្គមមានបញ្ហា «ខុទ្ទការល័យរបស់លោក ហ៊ុន សែន គួរតែស្ដាប់សំឡេងដើមហ្នឹង។ បើថាសំឡេងដើមហ្នឹងអត់មាន អាហ្នឹងខ្ញុំមិនថាទេ ប៉ុន្តែសំឡេងដើមហ្នឹងមាននៅលើអ៊ីនធឺណែតដែរហ្នឹង។ ដូចខ្ញុំផង នៅពេលម្សិលម្ង៉ៃហ្នឹង នៅពេលដែលខ្ញុំឃើញវិទ្យុបារាំងបានលើកឡើងរឿងហ្នឹង ខ្ញុំក៏ឈានមួយជំហានទៀត គឺខ្ញុំទៅស្ដាប់ប្រសាសន៍របស់លោកកឹម សុខាផ្ទាល់ ដែលស្ដាប់សំឡេងដើមហ្នឹងទៅ ខ្ញុំថាមិនមែនទេ ការនិយាយបែបហ្នឹងរាងដូចខុសប្រធានបទបន្តិច ហើយលោកកឹម សុខា មិននិយាយចំអ៊ីចឹងតែម្ដងទេ» ។
គួរកត់សម្គាល់ថា លោកនាយករដ្ឋមន្ត្រី ហ៊ុន សែន ធ្លាប់ព្រមានដកតំណែងលោក កឹម សុខា ពីអនុប្រធានទី១រដ្ឋសភាចំនួនពីរដងរួចហើយ ទាក់ទងនឹងករណីមេដឹកនាំបក្សប្រឆាំងរូបនេះរិះគន់រដ្ឋាភិបាលនៅក្រៅសភា ៕
លោកស្រី ចក់ សុភាព បានសរសេរលើសារអេឡិចត្រូនិចមួយមកកាន់ VOD ជាភាសាអង់គ្លេសថា “… If you follow the whole Kem Sokha’s speech you could understand how misinterpretation reported by RFI.” ដែលមានន័យថា “ប្រសិនបើស្ដាប់ប្រសាសន៍របស់លោកកឹម សុខា ទាំងស្រុង នោះនឹងដឹងថា វិទ្យុបារាំងអន្តរជាតិបានមានកំហុសក្នុងការធ្វើសេចក្ដីរាយការណ៍នោះ” ។
តាមការផ្សាយរបស់វិទ្យុបារាំងអន្តរជាតិ RFI នៅថ្ងៃទី១៦ ខែមីនា ឆ្នាំ២០១៥ អត្ថបទមានចំណងជើងថា “លោក កឹម សុខា សារភាពថា គណបក្សសង្គ្រោះជាតិ មិនអាចផ្ដួលរំលំរដ្ឋាភិបាលគណបក្សប្រជាជនកម្ពុជាបានទេ” លោក លី ម៉េងហួរ បានសរសេរនៅក្នុងសេចក្ដីផ្ដើមរបស់លោកថា «លោក កឹមសុខា អនុប្រធានគណបក្សសង្គ្រោះជាតិ ដែលកំពុងទស្សនកិច្ចនៅអាមេរិក បានប្រកាសសារភាពថា លោក និងគណបក្សសង្គ្រោះជាតិ មិនអាចផ្តួលរំ[លំ]រដ្ឋាភិបាល ដឹកនាំដោយគណបក្សប្រជាជនកម្ពុជា តាមរយៈការផ្លាស់ប្តូរ ដែលជាគោលដៅរបស់គណបក្សប្រឆាំងនោះឡើយ។ ចំពោះមុខអ្នកគាំទ្រខ្មែរនៅអាមេរិក លោកកឹមសុខា ក៏បានបង្ហាញក្តីអស់សង្ឃឹម ដែលសហគមន៍អន្តរជាតិ និងមហាអំណាច មិនជួយដល់គណបក្សសង្គ្រោះជាតិ ក្នុងការផ្តួលរំលំគណបក្សប្រជាជនកម្ពុជា តាមរយៈកម្លាំងមហាជន ធ្វើបាតុកម្ម តាមផ្លូវ»។
ពីរថ្ងៃក្រោយការផ្សាយនោះ គឺនៅថ្ងៃ១៨ ខែមីនា ក្នុងឱកាសសម្ពោធផ្លូវមួយនៅខេត្តបន្ទាយមានជ័យ លោកនាយករដ្ឋមន្ត្រី ហ៊ុន សែន ព្រមានចាត់វិធានការលើលោក កឹម សុខា ដោយលោកនាយករដ្ឋមន្ត្រីអះអាងថា លោក កឹម សុខា បានសារភាពពីការបរាជ័យលើការរៀបគម្រោងផ្តួលរំលំរដ្ឋាភិបាលរបស់គណបក្សប្រជាជនកម្ពុជា ។
លោក កឹម សុខា ក្នុងបទសម្ភាសន៍មួយជាមួយវិទ្យុអាស៊ីសេរី ដែលបានផ្សាយនៅយប់ថ្ងៃពុធម្សិលមិញមានប្រសាសន៍ថា លោកមិនបានប្រើពាក្យថាផ្ដួលរំលំរដ្ឋាភិបាល ឬគណបក្សកាន់អំណាចនោះទេ ។ លោកបញ្ជាក់ថា លោកជាអ្នកប្រកាន់ធម៌អហិង្សា ហើយលោកថា លោកប្រឆាំងនឹងអ្នកណាដែលចូលចិត្តប្រើអំពើហិង្សា «បាទ ខ្ញុំសូមបំភ្លឺ និងជម្រាបជូនបងប្អូនជនរួមជាតិថា គឺអាចសម្ដេចហ៊ុន សែន លោកទទួលរបាយការណ៍ពីណាមកច្រឡំ ឬក៏ដោយសារអ្នកព័ត៌មាន ដែលយកពាក្យពេចន៍ខ្ញុំយកទៅនិយាយមិនពិត គឺខ្ញុំអត់មានបានប្រើពាក្យថា ផ្ដួលរំលំរដ្ឋាភិបាល ឬគណបក្សកាន់អំណាចនោះទេ» ។
នាយកគ្រប់គ្រងវិទ្យុបារាំងអន្តរជាតិ លោក ហ្សង់-ហ្វ្រង់ស័រ តាន់ មានប្រសាសន៍ថា អ្នកសរសេរព័ត៌មានរបស់លោកបានប្រើពាក្យថា “ផ្ដួលរំលំរដ្ឋាភិបាល” មែន ។ ប៉ុន្តែលោកបញ្ជាក់ថា មួយថ្ងៃក្រោយមក ខាងលោកបានកែតម្រូវរួចហើយ «ខ្ញុំចង់បញ្ជាក់រឿងមួយ ត្រង់ថា បើសិនជានាយករដ្ឋមន្ត្រីនៃប្រទេសកម្ពុជា ពឹងផ្អែកទៅលើអ្វីដែលវិទ្យុបារាំងបានផ្សាយ ដើម្បីប្រតិកម្មទាក់ទិននឹងលោក កឹម សុខា។ ខ្ញុំយល់ឃើញថា យើងមើលស្រាលថ្នាក់ដឹកនាំ ។ ថ្នាក់ដឹកនាំកំពូលមុននឹងមានប្រតិកម្មអ្វីមួយ មិនមែនស្ដាប់តែវិទ្យុ ឬមើលតែប្រេសញូវស៍ទេ តាមខ្ញុំយល់គាត់ក៏បានស្ដាប់សម្ដីរបស់ឯកឧត្តមកឹម សុខាខ្លួនឯងដែរ ។ វិទ្យុបារាំងថ្ងៃនុ៎ង អត់មានបកស្រាយអ្វីទាំងអស់ គ្រាន់តែប្រើពាក្យផ្ដួលរំលំមួយម៉ាត់ប៉ុនហ្នឹង ក្រោយមកយើងបានកែប្រែភ្លាម ថាជាការផ្លាស់ប្ដូរទាំងស្រុង និងភ្លាមៗ»។
អ្នកវិភាគឯករាជ្យលោក អ៊ូ វីរៈ មានប្រសាសន៍ថា បើតុលាការឯករាជ្យ នោះគេមិនចេះតែចាត់ការអ្វីមួយ តាមតែលោកនាយករដ្ឋមន្ត្រីស្រែកនោះទេ ព្រោះគេមិនអាចស្ដាប់ព័ត៌មានតែមួយ ដោយគ្មានការផ្ទៀងផ្ទាត់ឲ្យបានច្បាស់លាស់ជាមួយប្រភពដើមនោះឡើយ ។ លោកថា ទាំងអ្នកនយោបាយ ទាំងអ្នកសារព័ត៌មាន និងទាំងសង្គមទាំងមូល មិនគួរលោតកញ្ជ្រោលលឿនពេកនោះទេ វានឹងធ្វើឲ្យសង្គមមានបញ្ហា «ខុទ្ទការល័យរបស់លោក ហ៊ុន សែន គួរតែស្ដាប់សំឡេងដើមហ្នឹង។ បើថាសំឡេងដើមហ្នឹងអត់មាន អាហ្នឹងខ្ញុំមិនថាទេ ប៉ុន្តែសំឡេងដើមហ្នឹងមាននៅលើអ៊ីនធឺណែតដែរហ្នឹង។ ដូចខ្ញុំផង នៅពេលម្សិលម្ង៉ៃហ្នឹង នៅពេលដែលខ្ញុំឃើញវិទ្យុបារាំងបានលើកឡើងរឿងហ្នឹង ខ្ញុំក៏ឈានមួយជំហានទៀត គឺខ្ញុំទៅស្ដាប់ប្រសាសន៍របស់លោកកឹម សុខាផ្ទាល់ ដែលស្ដាប់សំឡេងដើមហ្នឹងទៅ ខ្ញុំថាមិនមែនទេ ការនិយាយបែបហ្នឹងរាងដូចខុសប្រធានបទបន្តិច ហើយលោកកឹម សុខា មិននិយាយចំអ៊ីចឹងតែម្ដងទេ» ។
គួរកត់សម្គាល់ថា លោកនាយករដ្ឋមន្ត្រី ហ៊ុន សែន ធ្លាប់ព្រមានដកតំណែងលោក កឹម សុខា ពីអនុប្រធានទី១រដ្ឋសភាចំនួនពីរដងរួចហើយ ទាក់ទងនឹងករណីមេដឹកនាំបក្សប្រឆាំងរូបនេះរិះគន់រដ្ឋាភិបាលនៅក្រៅសភា ៕
No comments:
Post a Comment