រតនគិរីៈ ជនជាតិភាគតិចជាង ២០០ នាក់ក្នុង ស្រុកអូរយ៉ាដាវ បានបដិសេធទទួលយកអំណោយរបស់ក្រុមហ៊ុនដីសម្បទានជាថ្នូរនឹងការបើកផ្លូវឲ្យក្រុមហ៊ុន ឈូសឆាយដីព្រៃសហគមន៍ចំនួន ៣០ ហិកតាដើម្បីដាំកៅស៊ូ។
ក្រុមហ៊ុនដីសម្បទានសេដ្ឋកិច្ចក្នុងស្រុកឈ្មោះ ហេង យៀប និងអាជ្ញាធរបានយកមីយើង ៥០ កេស ប៊ីចេង អំបិល និង ស្រា ៣ ពាង ដើម្បីទៅចែកជូនជនជាតិភាគតិចចារ៉ាយបួនភូមិ មាន ២៥០ នាក់ ក្នុង ឃុំយ៉ាទុង កាលពីព្រឹកថ្ងៃចន្ទ។ ប៉ុន្តែមុននឹងចែកក្រុមហ៊ុន និងអាជ្ញាធរ បានពន្យល់ប្រាប់ពលរដ្ឋនិងសុំធ្វើការឈូសឆាយដីសហគមន៍ ៣០ ហិកតា ដែលជាដីរដ្ឋាភិបាលបានផ្តល់ឲ្យក្រុមហ៊ុនធ្វើការអភិវិឌ្ឍដាំកៅស៊ូ។ នេះបើតាមការអះអាងពីពលរដ្ឋនិងអង្គការសិទ្ធិមនុស្សអាដហុក កាលពីម្សិលមិញ។
ជនជាតិភាគតិចលោក ពូយ យ៉ាង អាយុ ៥១ឆ្នាំ បានបញ្ជាក់ថា៖ «ក្រុមហ៊ុនប្រាប់ថា មិនទិញទឹកចិត្តទេយកមកឲ្យហូប ហើយសុំឈូសដីសហគមន៍យើង។ តែយើងអត់ទទួលយកទេ។ អត់ឲ្យឈូសទេ ព្រោះដីហ្នឹងវាប៉ះពាល់»។
បើតាមលោក យ៉ាង អ្នកភូមិបានអាស្រ័យផលពីព្រៃសហគមន៍នេះ តាំងពីដូនតាមក។ វាធ្វើឲ្យប៉ះពាល់ដល់មុខរបរ និងជីវភាពរស់នៅតាមលក្ខណៈប្រពៃណីរបស់ជនជាតិដើមភាគតិចយ៉ាងធ្ងន់ធ្ងរ បើសិនជាធ្វើការឈូសឆាយ។
លោក ឆាយ ធី អ្នកសម្របសម្រួលអង្គការសិទ្ធិមនុស្សអាដហុក ខេត្តរតនគិរី បានឲ្យដឹងថា ក្រុមហ៊ុន ហេង យៀប បានទទួលដីសម្បទានសេដ្ឋកិច្ចពីរដ្ឋាភិបាលជាច្រើនឆ្នាំមកហើយ ប៉ុន្តែទើបតែចាប់ផ្តើមធ្វើសកម្មភាពដែលផ្ទុយពីលក្ខខណ្ឌដីសម្បទាន និងប្រកាសរួមរបស់អន្តរក្រសួង។
លោកថា ជំហានដំបូង ក្រុមហ៊ុនមានគម្រោងធ្វើការឈូសឆាយព្រៃ ៣០ ហិកតាដើម្បីធ្វើថ្នាលបណ្តុះកូនកៅស៊ូសិនហើយទៅជួបពលរដ្ឋនៅក្នុងព្រៃនោះដោយនាំយកអំណោយទៅជាមួយផង។
លោកបន្តថា៖ «តំណាងពលរដ្ឋមានមតិតវ៉ាខ្លាំងៗ ប្រឆាំងដាច់ខាតទៅនឹងគម្រោងឈូសឆាយដីព្រៃសហគមន៍របស់ពួកគាត់និងមិនព្រមទទួលយកអំណោយក៏នាំគ្នាដើរចេញទៅផ្ទះវិញ»។
ទោះយ៉ាងណា ក្រុមហ៊ុននិងអាជ្ញាធរ បានបដិសេធថា មី និងរបស់របរផ្សេងៗដែលបានយកទៅនោះមិនមែនជាអំណោយនោះទេ ហើយការទៅនោះក៏មិនមែនទៅសុំឈូសឆាយព្រៃនោះដែរ។
លោក មាស សុគន្ធមុន្នី ប្រធានក្រុមហ៊ុនដែលបានចុះទៅនោះថ្លែងថា ការជួបជុំនោះគឺដើម្បីធ្វើការពិគ្រោះយោបល់និងផ្សព្វផ្សាយជូនពលរដ្ឋឲ្យបានដឹងមុននឹងក្រុមហ៊ុនធ្វើសកម្មភាព។ «មិនមែនជាអំណោយទេ។ គ្រាន់តែយកទៅចែកគ្នាហូប ព្រោះកន្លងមកខ្ញុំឲ្យកងកម្លាំងហូបរាប់រយកេសឯណោះ។ វាដូចផ្សាយពាណិជ្ជកម្មឲ្យមីយើងដែរហ្នឹង»។
លោកបន្តថា ក្រុមហ៊ុនបានទទួលដីសម្បទានជាង ៥ ពាន់ហិកតាពីរដ្ឋាភិបាលក្នុង ឆ្នាំ២០០៩ ប៉ុន្តែ ក្រសួងកសិកម្មទើបតែសម្រេចប្រគល់ប្លង់មេក្នុង ឆ្នាំ២០១២ ទេហើយនឹងការអនុញ្ញាតឲ្យឈូសឆាយនៅពេលថ្មីៗនេះ។
លោក ម៉ា វិចិត្រអភិបាល ស្រុកអូរយ៉ាដាវ បានថ្លែងថា នោះជាដីរដ្ឋតែថា «អាជ្ញាធរនឹងលើកសំណើទៅអាជ្ញាធរខេត្តដើម្បីសុំយោបល់ និងរកដំណោះស្រាយ»៕
ជនជាតិភាគតិចលោក ពូយ យ៉ាង អាយុ ៥១ឆ្នាំ បានបញ្ជាក់ថា៖ «ក្រុមហ៊ុនប្រាប់ថា មិនទិញទឹកចិត្តទេយកមកឲ្យហូប ហើយសុំឈូសដីសហគមន៍យើង។ តែយើងអត់ទទួលយកទេ។ អត់ឲ្យឈូសទេ ព្រោះដីហ្នឹងវាប៉ះពាល់»។
បើតាមលោក យ៉ាង អ្នកភូមិបានអាស្រ័យផលពីព្រៃសហគមន៍នេះ តាំងពីដូនតាមក។ វាធ្វើឲ្យប៉ះពាល់ដល់មុខរបរ និងជីវភាពរស់នៅតាមលក្ខណៈប្រពៃណីរបស់ជនជាតិដើមភាគតិចយ៉ាងធ្ងន់ធ្ងរ បើសិនជាធ្វើការឈូសឆាយ។
លោក ឆាយ ធី អ្នកសម្របសម្រួលអង្គការសិទ្ធិមនុស្សអាដហុក ខេត្តរតនគិរី បានឲ្យដឹងថា ក្រុមហ៊ុន ហេង យៀប បានទទួលដីសម្បទានសេដ្ឋកិច្ចពីរដ្ឋាភិបាលជាច្រើនឆ្នាំមកហើយ ប៉ុន្តែទើបតែចាប់ផ្តើមធ្វើសកម្មភាពដែលផ្ទុយពីលក្ខខណ្ឌដីសម្បទាន និងប្រកាសរួមរបស់អន្តរក្រសួង។
លោកថា ជំហានដំបូង ក្រុមហ៊ុនមានគម្រោងធ្វើការឈូសឆាយព្រៃ ៣០ ហិកតាដើម្បីធ្វើថ្នាលបណ្តុះកូនកៅស៊ូសិនហើយទៅជួបពលរដ្ឋនៅក្នុងព្រៃនោះដោយនាំយកអំណោយទៅជាមួយផង។
លោកបន្តថា៖ «តំណាងពលរដ្ឋមានមតិតវ៉ាខ្លាំងៗ ប្រឆាំងដាច់ខាតទៅនឹងគម្រោងឈូសឆាយដីព្រៃសហគមន៍របស់ពួកគាត់និងមិនព្រមទទួលយកអំណោយក៏នាំគ្នាដើរចេញទៅផ្ទះវិញ»។
ទោះយ៉ាងណា ក្រុមហ៊ុននិងអាជ្ញាធរ បានបដិសេធថា មី និងរបស់របរផ្សេងៗដែលបានយកទៅនោះមិនមែនជាអំណោយនោះទេ ហើយការទៅនោះក៏មិនមែនទៅសុំឈូសឆាយព្រៃនោះដែរ។
លោក មាស សុគន្ធមុន្នី ប្រធានក្រុមហ៊ុនដែលបានចុះទៅនោះថ្លែងថា ការជួបជុំនោះគឺដើម្បីធ្វើការពិគ្រោះយោបល់និងផ្សព្វផ្សាយជូនពលរដ្ឋឲ្យបានដឹងមុននឹងក្រុមហ៊ុនធ្វើសកម្មភាព។ «មិនមែនជាអំណោយទេ។ គ្រាន់តែយកទៅចែកគ្នាហូប ព្រោះកន្លងមកខ្ញុំឲ្យកងកម្លាំងហូបរាប់រយកេសឯណោះ។ វាដូចផ្សាយពាណិជ្ជកម្មឲ្យមីយើងដែរហ្នឹង»។
លោកបន្តថា ក្រុមហ៊ុនបានទទួលដីសម្បទានជាង ៥ ពាន់ហិកតាពីរដ្ឋាភិបាលក្នុង ឆ្នាំ២០០៩ ប៉ុន្តែ ក្រសួងកសិកម្មទើបតែសម្រេចប្រគល់ប្លង់មេក្នុង ឆ្នាំ២០១២ ទេហើយនឹងការអនុញ្ញាតឲ្យឈូសឆាយនៅពេលថ្មីៗនេះ។
លោក ម៉ា វិចិត្រអភិបាល ស្រុកអូរយ៉ាដាវ បានថ្លែងថា នោះជាដីរដ្ឋតែថា «អាជ្ញាធរនឹងលើកសំណើទៅអាជ្ញាធរខេត្តដើម្បីសុំយោបល់ និងរកដំណោះស្រាយ»៕
No comments:
Post a Comment