សេចក្ដីប្រកាសព័ត៌មានរបស់លេខាធិការដ្ឋានអចិន្ត្រៃយ៍នៃអាជ្ញាធរជាតិទទួលបន្ទុកកិច្ចការព្រំដែន នៃទីស្ដីការគណៈរដ្ឋមន្ត្រី ចេញផ្សាយនៅថ្ងៃ
នេះ ឲ្យដឹងថា សន្និសីទសារព័ត៌មាននេះនឹងធ្វើឡើងនៅម៉ោង៩ ព្រឹកថ្ងៃទី២ ខែកក្កដា នៅទីស្ដីការគណៈរដ្ឋមន្ត្រីសាល B ។
គួរបញ្ជាក់ថា ថ្មីៗនេះ តំណាងរាស្ត្រគណបក្សសង្គ្រោះជាតិ១៥រូប បានប្រកាសទាមទារឲ្យរដ្ឋាភិបាលកម្ពុជាបង្កើតគណៈកម្មាធិការចម្រុះមួយ ដែលមានការចូលរួមពីគណបក្សមានអាសនៈក្នុងសភា និងអ្នកជំនាញពាក់ព័ន្ធ ដើម្បីអាចចូលរួមដោះស្រាយបញ្ហាព្រំដែនជាមួយប្រទេសវៀតណាម និងទាមទារឲ្យរដ្ឋាភិបាលយកករណីនេះទៅតុលាការយុត្តិធម៌អន្តរជាតិ។ ក្រុមតំណាងរាស្ត្របានទាមទារឲ្យរដ្ឋាភិបាលបញ្ចេញផែនទីដែលប្រើដើម្បីបោះបង្គោលព្រំដែនជាមួយវៀតណាម និងទាមទារឲ្យរដ្ឋាភិបាលកម្ពុជាផ្អាកជាបណ្តោះអាសន្ននូវការបោះបង្គោលព្រំដែនជាមួយប្រទេសវៀតណាម រហូតដល់បង្កើតបានគណៈកម្មាធិការចម្រុះមួយសិន ។
ប៉ុន្តែរដ្ឋាភិបាលបានបដិសេធផ្តល់ផែនទីនៃការបោះបង្គោលព្រំដែនកម្ពុជា-វៀតណាម ទៅឲ្យគណបក្សសង្គ្រោះជាតិ ដោយអះអាងថារដ្ឋាភិបាលកំពុងធ្វើការដោះស្រាយបញ្ហានេះ តាមរយៈធ្វើកំណត់ការទូតទៅវៀតណាម និងយន្តការដោះស្រាយទ្វេភាគី ។
នៅថ្ងៃទី២៧ ខែមិថុនា ប្រធានគណបក្សសង្គ្រោះជាតិលោក សម រង្ស៊ី បានបង្ហើបឲ្យដឹងថា លោកបានទទួលផែនទីខ្នាត ១/១០០.០០០ (មួយលើមួយរយពាន់) ដែលគូសវាសដោយអាជ្ញាធរបារាំង ក្នុងចន្លោះឆ្នាំ១៩៣៣ ដល់ ១៩៥៣ ។ លោកថា ផែនទីទាំងអស់នោះដែលគ្របដណ្តប់ព្រំដែនកម្ពុជា-វៀតណាមប្រវែង ១២៥០គីឡូម៉ែត្រ និងផែនទីខ្នាត ១/១០០.០០០ ត្រូវបានបញ្ចូនដល់ដៃបក្សរបស់លោកកាលពីថ្ងៃទី២៦ ខែមិថុនា ។ លោកបន្តថា ផែនទីទាំងនោះត្រូវបានយកចេញពីបណ្ណាល័យរបស់ប្រទេសបារាំង ដែលជាកន្លែងតម្កល់ទុកផែនទីប្រវត្តិសាស្ត្រនៃប្រទេសកម្ពុជា ៕
No comments:
Post a Comment