អ្នកនាំពាក្យគជប លោក ហង្ស ពុទ្ធា ប្រាប់
អោយនៅថ្ងៃអាទិត្យនេះថា សមាជិក គជប ទាំង៩រូប និងទទួលបានរថយន្តម៉ាកឡង់គ្រីស័រប្រាដូ ផលិតឆ្នាំ២០១៤ ម្នាក់មួយគ្រឿង និងមានអ្នកបើកបរ អ្នកការពារ ជំនួយការ និងលេខា ។
ដោយឡែក ទាក់ទងនឹងប្រាក់ខែរបស់សមាជិក គជប ទាំង៩រូបនោះ លោក ហង្ស ពុទ្ធា បញ្ជាក់ថា មិនទាន់ដឹងនៅឡើយ។ លោកថា បញ្ហាប្រាក់ខែនេះ សមាជិកទាំងអស់នឹងជជែកគ្នានៅស្ថាប័ន គជប វេលាម៉ោង៩ព្រឹកថ្ងៃចន្ទស្អែកនេះ ។
លោក ហង្ស ពុទ្ធា ឲ្យដឹងទៀតថា សមាជិក គជប ទាំង៩រូប ក្នុងនោះ៧រូបទទួលបានរថយន្តមួយគ្រឿង អ្នកបើកបរ១នាក់ អ្នកការពារ១នាក់ ជំនួយការ១នាក់ និងលេខា១នាក់។ ដោយឡែក ប្រធានទទួលបានជំនួយការ២នាក់ និងលេខា២នាក់ រីឯអនុប្រធានទទួលបានជំនួយការ២នាក់ និងលេខា១នាក់ ៕
No comments:
Post a Comment