.jpg)
ចាប់ពីពេលនេះតទៅ ខែកម្ភៈ ឆ្នាំ២០១៧ គឺជាខែនៃការបោះឆ្នោតក្រុមប្រឹក្សាឃុំសង្កាត់អាណត្តិទី៤ ហើយ ខែកម្ភៈ ឆ្នាំ២០១៨ គឺជាការបោះឆ្នោតតំណាងរាស្ត្រអាណត្តិទី៦។
នេះបើតាមការបញ្ជាក់ពីលោកសម រង្ស៊ីប្រធានគណបក្សសង្គ្រោះជាតិដែលបានថ្លែងនៅសហរដ្ឋអាមេរិក។ លោកសម រង្ស៊ីបានហៅការសម្រេចនេះថា ជាស្មារតីនៃកិច្ចព្រមព្រៀងនយោបាយចុងក្រោយរវាងលោក និងលោកនាយករដ្ឋមន្ត្រីហ៊ុនប្រមុខបក្សកាន់អំណាច។
ក្រោយការស្រុះស្រួលនយោបាយរវាងបក្សធំទាំងពីរ រចនាសម្ព័ន្ធក្បាលម៉ាស៊ីនគ.ជ.បថ្មីត្រូវបានបង្កើតក្រោមសមាសភាព៤-៤-១ ហើយរយៈពេលនៃការបោះឆ្នោតក៏ត្រូវផ្លាស់ប្តូរដែរ។លោក យ៉ែម បុញ្ញឫទ្ធិអ្នកនាំពាក្យ គណបក្សសង្គ្រោះជាតិ បានបញ្ជាក់ថា ការផ្លាស់ប្តូរគឺជា
ការគិតគូរការលំបាក់របស់ប្រជាពលរដ្ឋដែលកន្លងមកតែងតែទៅបោះឆ្នោតនៅរដូវវស្សា។
តាំងពីឆ្នាំ១៩៩៣កម្ពុជាបានសម្រេចយកកាលបរិច្ឆេទបោះឆ្នោតនៅចុងខែកក្កដានៃអាណត្តិនីមួយ។ ដោយឡែកតាំងពីឆ្នាំ២០០២ ការបោះឆ្នោតថ្នាក់ក្រោមជាតិ ឬការបោះឆ្នោតក្រុមប្រឹក្សា ឃុំ សង្កាត់ គឺត្រូវធ្វើឡើងនៅដើមខែមិថុនានៃអាណត្តិផងដែរ។
សូមរំលឹកបន្តិចថា លោកនាយករដ្ឋមន្ត្រីហ៊ុន សែន ធ្លាប់បានបង្ហើបថា លោក និងលោក សម រង្ស៊ីដែលបានពិភាក្សាគ្នាតាមទូរស័ព្ទកាលពីថ្ងៃទី៩ មេសា ឆ្នាំ២០១៤ គឺបានសម្រេចគ្នារួចរាល់ហើយ ថានឹងឱ្យមានការផ្លាស់ប្តូររយៈពេលនៃការបោះឆ្នោតដោយលើកមកខែកុម្ភៈ ប៉ុន្តែការសម្រេចរវាងលោកនាយករដ្ឋមន្ត្រីនិងលោក សមរង្ស៊ី កាលណោះ មិនបានសម្រេចជាលទ្ធផលនោះទេ ព្រោះលោក កឹម សុខាអនុប្រធានបក្សសង្គ្រោះជាតិ វេតូមិនព្រម។
សូមបញ្ជាក់ថា វិបត្តិនយោបាយដែលហូរចេញពីការមិនជឿទុកចិត្តលើគ.ជ.ប បានអូសបន្លាយរយៈប្រមាណជា១ឆ្នាំ ទម្រាំបក្សប្រជាជនកម្ពុជា និងបក្សសង្គ្រោះជាតិ រកផ្លូវទំលុះទំលាយបានតាមរយៈការសម្បទាននយោបាយ និងការកែប្រែគ.ជ.បចាស់ចោលតែម្តង។
ហើយគ.ជ.បថ្មីដែលមានសមាសភាពមកពីបក្សកាន់អំណាចចំនួន៤ និងបក្សប្រឆាំងចំនួន៤រូប រួមទាំងសមាសភាពសង្គមស៊ីវិល១រូបផង គឺទទួលបានការគាំទ្រផ្នែកបច្ចកទេសមកពីសហគមន៍អ៊ឺរ៉ុប និងប្រទេសជប៉ុនលើកំណែទម្រង់។ លោក ហង្ស ពុទ្ធា អ្នកនាំពាក្យ គ.ជ.ប បានឱ្យដឹងថា នៅថ្ងៃទី២០ និង២១ ឧសភា គណៈកម្មាធិការជាតិរៀបចំការបោះឆ្នោតនឹងជួបមន្ត្រីបច្ចេកទេសរបស់ម្ចាស់ជំនួយទាំងពីរដើម្បីបង្កើតបញ្ជីឈ្មោះអ្នកបោះឆ្នោតថ្មីសម្រាប់ការបោះឆ្នោតក្រុមប្រឹក្សាឃុំ នៅឆ្នាំ២០១៧ និងការបោះឆ្នោតនៅឆ្នាំ២០១៨ ៕
No comments:
Post a Comment