ចូលស្រុកវិញបាន។
ព្រះរាជក្រឹត្យដែលមានចែងជា ៣មាត្រា ចុះថ្ងៃទី៥ ឧសភា បានសរសេរថា ត្រូវបានលើកលែងទោសឲ្យទណ្ឌិតឈ្មោះ មឿង សុន ភេទប្រុស អាយុ ៦២ឆ្នាំ ដែលត្រូវបានតុលាការសម្រេចផ្តន្ទាទោសដាក់ពន្ធនាគារ តាមអំណាចសាលដីកាស្ថាពរលេខ ៨១ ចុះថ្ងៃទី ១១ មេសាឆ្នាំ២០១២ របស់តុលាការកំពូល និងលោកនាយករដ្ឋមន្ត្រី ហ៊ុន សែន ត្រូវទទួលបន្ទុកអនុវត្តឲ្យបានសម្រេចតាមព្រះរាជក្រឹត្យនេះ។
សូមបញ្ជាក់ថា លោក មឿង សុន ដែលកំពុងរត់គេចនៅក្រៅប្រទេសពីការចាប់ខ្លួនក្រោយទោសជាប់ ពន្ធនាគារ ២ឆ្នាំនិងពិន័យប្រាក់ ៤ លានរៀលតាំងពីខែ កក្កដា ឆ្នាំ២០០៩ ពីបទរិះគន់អាជ្ញាធរអប្សរា បើកឲ្យក្រុមហ៊ុនឯកជន ស៊ូជីន ដាក់អំពូលភ្លើងលម្អប្រាសាទអង្គរវត្តថាជាការធ្វើឲ្យប៉ះពាល់ដល់ ថ្មប្រាសាទ។
នៅឆ្នាំ២០០៩ លោក មឿង សុន ត្រូវតុលាការក្រុងភ្នំពេញកាត់ទោសកំបាំងមុខដាក់ពន្ធនាគាររយៈពេល ២ ឆ្នាំ និងពិន័យជាប្រាក់ ១៥ លានរៀល ពីបទផ្សាយព័ត៌មានមិនពិត តាមពាក្យបណ្តឹងរបស់រដ្ឋាភិបាល។ រដ្ឋាភិបាលបានប្តឹងលោក បន្ទាប់ពីបានថ្លែងតាមសារព័ត៌មាន ចំពោះការដាក់អំពូលភ្លើងលើជញ្ជាំងប្រាសាទអង្គរវត្ត ដើម្បីទាក់ទាញភ្ញៀវទេសចរនៅពេលយប់។ នៅខែឧសភា ឆ្នាំ២០១១ សាលាឧទ្ធរណ៍ បានប្រកាសតម្កល់សេចក្តីសម្រេចផ្តន្ទាទោសកំបាំងមុខដោយរក្សា ការផ្តន្ទាទោសឲ្យជាប់ពន្ធនាគារ២ឆ្នាំដដែល ក៏ប៉ុន្តែបានសម្រេចបន្ធូរបន្ថយលើការពិន័យបង់ប្រាក់ពី១៥លានរៀល មកនៅត្រឹម៤លានរៀល និងកែប្រែបទចោទប្រកាន់ ពីបទផ្សាយព័ត៌មានមិនពិត មកជាបទញុះញង់ស្របតាមច្បាប់ក្រមព្រហ្មទណ្ឌថ្មី។
អាជ្ញាធរអប្សរា ធ្លាប់ពន្យល់ថា ការដាក់ភ្លើងនោះមិនប៉ះពាល់ដល់ប្រាង្គប្រាសាទទេ។ តែយ៉ាងណាក៏ដោយ ក្រោយអំពូលភ្លើង បំពាក់ដោយក្រុមហ៊ុនស៊ូជីង បានរុះរើចេញទាំងអស់វិញ។
No comments:
Post a Comment