លោករដ្ឋមន្ត្រីក្រសួងទេសចរណ៍បានថ្លែងពន្យល់ប្រាប់ថា ប្រសិនបើទេសចរម្នាក់ចំណាយ៥០ដុល្លារក្នុងរយៈពេលបីថ្ងៃ ហើយខេត្តសៀមរាបទទួលបានភ្ញៀវទេសចរជាតិ និងអន្តរជាតិចំនួន១លាននាក់នោះ នោះទឹកប្រាក់ប្រមាណជា៥០លានដុល្លារត្រូវបានគេចាយវាយនៅក្នុងខេត្តសៀមរាប។ ព្រឹត្តិការណ៍អង្គរសង្ក្រាន្តអាចទាក់ទាញភ្ញៀវទេសចរខ្មែរបានចំនួន១លាននាក់នេះ និងភ្ញៀវទេសចរបរទេសបានចំនួន ២៧ ០០០នាក់ក្នុងរយៈពេល៣ថ្ងៃ។
នៅថ្ងៃទី១ ព្រឹត្តិការណ៍អង្គរសង្ក្រាន្តទាក់ទាញភ្ញៀវក្នុងស្រុកបាន២០ម៉ឺននាក់ ថ្ងៃទី២ និងថ្ងៃទី៣បានចំនួន៤០ម៉ឺននាក់ក្នុងថ្ងៃ។ សរុបទាំង៣ថ្ងៃ អង្គរសង្ក្រាន្តទាក់ទាញភ្ញៀវក្នុងស្រុកបានប្រមាណជា១លាននាក់។
លោក ថោង ខុន បានបន្តបញ្ជាក់ទៀតថា ចំនួនភ្ញៀវទេសចរក្នុងស្រុកកើនឡើងជាង២០០ភាគរយក្នុងខណៈពេលដែលភ្ញៀវទេសចរបរទេសកើនឡើងប្រមាណជាជាង២០% បើប្រៀបធៀបទៅនឹងរយៈពេលដូចគ្នាកាលពីឆ្នាំមុន៕
No comments:
Post a Comment