ហេតុការណ៍គ្រោះថ្នាក់បានកើតឡើងនៅកំណាត់ផ្លូវជាតិលេខ៧ ក្នុងភូមិព្រៃខ្វិត ឃុំខ្វិតធំ ស្រុកព្រៃឈរ ខេត្តកំពង់ចាម ដោយរថយន្តដឹកដីបានចូលកាត់ក្បួនរថយន្តព្រះអង្គម្ចាស់ នរោត្តម រណឫទ្ធិ ក្នុងដំណើរមកកាន់រាជធានីភ្នំពេញ។
លោក ញឹក ប៊ុនឆៃ មិនបានផ្តល់ព័ត៌មានលំអិតឡើយទាក់ទងនឹងគ្រោះថ្នាក់ចរាចរណ៍នេះ ដោយគ្រាន់តែបញ្ជាក់ថា ព្រះអង្គម្ចាស់ នរោត្តម រណឫទ្ធិ និងអ្នកម្នាង ផល្លា រងរបួសក្នុងហេតុការណ៍នេះ ហើយត្រូវបានបញ្ជូនទៅព្យាបាលនៅមន្ទីរពេទ្យ រ៉ូយ៉ាល់ រតនៈ នៅភ្នំពេញ ។
សូមបញ្ជាក់ផងដែរ នៅព្រឹកថ្ងៃទី២៥ ខែមេសា នេះ ព្រះអង្គម្ចាស់ នរោត្តម រណឫទ្ធិ ប្រធានគណបក្សហ៊្វុនស៊ិនប៉ិច រួមជាមួយលោក ញឹក ប៊ុនឆៃ លោក កែវ ពុទ្ធរស្មី នឹងថ្នាក់ដឹកនាំដទៃទៀត បានចូលរួមក្នុងពិធីសំណេះសំណាលជាមួួថ្នាក់ដឹកនាំក្រោមជាតិ និងពលរដ្ឋដែលគាំទ្រគណបក្សនៅក្នុងមូលដ្ឋានស្រុកព្រៃឈ ខេត្តកំពង់ចាម។
លោក ប៉ែន រ័ត្ន ស្នងការស្នងការនគរបាលខេត្តកំពង់ចាម ក៏បានអះអាងផងដែរ ព្រះអង្គម្ចាស់ នរោត្តម រណឫទ្ធិ និងអ្នកម្នាង ស្ថិតក្នុងចំណោមជនរងគ្រោះ ហើយលោកកំពុងធ្វើការលើករណីនេះ៕
No comments:
Post a Comment