នៅម៉ោងប្រមាណ៥និង២០នាទី ចៅក្រមសាកសួរនៃសាលាដំបូងរាជធានីភ្នំពេញ លោក លី សុខឡេង បានបញ្ចប់ការសាកសួរឧកញ៉ា ថោង សារ៉ាត់ និងសម្រេចបញ្ជូនទៅឃុំខ្លួននៅពន្ធនាគារព្រៃស ដោយចោទពីបទផ្តួចផ្តើមគំនិតក្នុងអំពើឃាតកម្មគិតទុកជាមុន និងប្រើប្រាស់អាវុធខុសច្បាប់ ។
គួរបញ្ជាក់ថា ឧកញ៉ា ថោង សារ៉ាត់ ដែលត្រូវបានចោទប្រកាន់ថាជាមេខ្លោងសម្លាប់ឧកញ៉ា អុឹង ម៉េងជឺ កាលពីចុងឆ្នាំ២០១៤ ត្រូវបានអាជ្ញាធរចាប់ខ្លួនកាលពីយប់ថ្ងៃព្រហស្បតិ៍ រួចបញ្ជូនខ្លួនមកប្រគល់ឲ្យនគរបាលរាជធានីភ្នំពេញនៅព្រឹកថ្ងៃសុក្រនេះ ។
គួររំឮកថា កាលពីថ្ងៃទី២២ ខែវិច្ឆិកា ឆ្នាំ២០១៤ នៅវេលាម៉ោងជាង៧យប់ លោកឧកញ៉ា អឹុង ម៉េងជឺ ត្រូវបានបាញ់សម្លាប់៦គ្រាប់នៅចំណុចមុខហាងលក់ផ្លែឈើ ឡោ តិចសេង តាមបណ្តោយផ្លូវព្រះសីហនុ ក្នុងសង្កាត់ទួលស្វាយព្រៃ២ ខណ្ឌចំការមន រាជធានីភ្នំពេញ ៕
No comments:
Post a Comment