សមយុទ្ធប្រចាំឆ្នាំនេះ តែងតែ ធ្វើឲ្យកើនឡើងនូវភាពតានតឹងខាងនយោធានិងវោហារស័ព្ទចូលចិត្តសង្គ្រាមនៅលើឧបទ្វីប ដែលបែកបាក់គ្នានេះ ហើយក្រុមអ្នកវិភាគបានមើលឃើញការសាកល្បងមីស៊ីល នេះថា ជាការចាប់ផ្តើមចំពោះយុទ្ធនាការគ្រវីដាវរួមគ្នាមួយ។
អ្នកវិភាគម្នាក់ នៅឯវិទ្យាស្ថាន កូរ៉េដើម្បីការបង្រួបបង្រួមជាតិនៅក្រុងសេអ៊ូល លោកជឹង យុង តេ បាននិយាយថា៖ «បើសិនជាមាន ការកើនឡើងខ្ពស់ជាពិសេសនោះ យើងអាចឃើញកូរ៉េខាងជើងសម្របសម្រួលការប៉ះទង្គិចគ្នាប្រភេទខ្លះនៅលើព្រំដែនសមុទ្រ»។
ការបាញ់មីស៊ីលទាំងនោះ កើត មានជាមួយការព្រមានខ្លាំងក្លាពី កងទ័ពប្រជាជនកូរ៉េខាងជើង (K- PA) ដែលមាននុយក្លេអ៊ែរថាសមយុទ្ធយោធាឆ្នាំនេះ នឹងនាំយក ឧបទ្វីបនេះ«ឆ្ពោះទៅកាន់មាត់ជ្រោះនៃសង្គ្រាម»។
ក្រសួងការពារជាតិកូរ៉េខាងត្បូងបាននិយាយថា មីស៊ីល Scud ទាំងពីរត្រូវបានបាញ់ចេញពីកំពង់ផែ ណាមប៉ូ ភាគខាងលិច និងបានធ្លាក់ទៅក្នុងសមុទ្រក្បែរឆ្នេរសមុទ្រភាគខាងកើត ចម្ងាយ ជាង ៥០០ គ.ម.។
សេចក្តីសម្រេចចិត្ត អ.ស.ប. ហាមប្រាមរាល់ការធ្វើតេស្តមីស៊ីលឆ្លងទ្វីបរបស់កូរ៉ខាងជើង ហើយអ្នកនាំពាក្យក្រសួង លោក គីម មីនស៊ុក បាននិយាយថា ក្រុងព្យុងយ៉ាងទំនងជាមានបំណងបង្ក «វិបត្តិសន្តិសុខមួយ»។
លោក គីម បានប្រាប់ក្រុមអ្នកកាសែតថា៖ «យើងនឹងឆ្លើយតបយ៉ាងម៉ឺងម៉ាត់ចំពោះការបង្កហេតុណាមួយ»។
រដ្ឋាភិបាលជប៉ុន បាននិយាយ ថា ខ្លួនបានចេញការតវ៉ាដ៏ខ្លាំងមួយចំពោះកូរ៉េខាងជើង ដោយហេតុថា ការបាញ់មីស៊ីលបែបនោះបានបង្កគ្រោះថ្នាក់ដល់អាកាសចរណ៍ និងការដឹកជញ្ជូនតាមផ្លូវទឹក។
ការធ្វើតេស្តមីស៊ីល គឺជាវិធីនៃ ការសម្តែងការមិនពេញចិត្តនិងកំហឹងរបស់កូរ៉េខាងជើងជាមួយ អ្វីដែលគេមើលឃើញថា ជាអាកប្បកិរិយាប្រឈមមុខដាក់គ្នា របស់កូរ៉េខាងត្បូង និងសម្ព័ន្ធមិត្ត របស់ខ្លួន។
អ្នកនាំពាក្យអគ្គសេនាធិការ KPA ម្នាក់ ត្រូវបានទីភ្នាក់ងារ KCNA ស្រង់សម្តីដោយបានថ្លែងពីថ្ងៃចន្ទថា៖ «ស្ថានការណ៍លើឧបទ្វីបកូរ៉េជាថ្មីម្តងទៀត កំពុងរំកិលទៅកៀកនឹងមាត់ជ្រោះនៃ សង្គ្រាមហើយ»។
លោកបានបន្តថា៖ «មធ្យោបាយ តែមួយដើម្បីទប់ទល់ជាមួយការឈ្លានពាន និងសង្គ្រាមរបស់ចក្រពត្តិអាមេរិក និងក្រុមអ្នកដើរតាមនេះគឺមិនមែនការចរចា ហើយក៏ មិនមែនសន្តិភាពដែរ។ ពួកគេនឹងត្រូវទប់ទល់ជាមួយតែការវាយប្រហារគ្មានត្រាប្រណី»។កូរ៉េខាងជើង បានគំរាមកំហែងវាយប្រហារ ក្នុងនោះមានទាំងការវាយប្រហារនុយក្លេអ៊ែរលើអាមេរិក ជាមុន ថ្វីបើខ្លួនមិនបានបង្ហាញសមត្ថភាពមីស៊ីលមួយ ដែលនឹងព័ទ្ធវង់ដីគោកអាមេរិកក៏ដោយ។
សមាសភាពធំបំផុតនៃសមយុទ្ធ កូរ៉េខាងត្បូង-អាមេរិកពីរ ដែលបានចាប់ផ្តើមពីថ្ងៃចន្ទ គឺសមយុទ្ធកូនឥន្រី្ទយ៍ ៨ សប្តាហ៍ ដោយមានការចូលរួមដោយការហ្វឹកហាត់ផ្លូវអាកាស ផ្លូវគោក និងផ្លូវទឹកដោយ មានទាហានកូរ៉េខាងត្បូងចំនួនប្រមាណ ២ ម៉ឺននាក់ និងទាហានអាមេរិក ៣៧០០ នាក់៕
No comments:
Post a Comment