ប្រធានអង្គការលីកាដូរ លោកស្រី ពុង ឈីវកេក បដិសេធ មិនទទួលយកមុខតំណែងជាសមាជិកទី៩ គជប ថ្មីនោះទេ ។
លោកស្រី ពុង ឈីវកេក បានចេញសេចក្ដីថ្លែងការណ៍ចុះថ្ងៃទី ៣១ មីនា បានឲ្យដឹងថា តួនាទីសម្រាប់លោកស្រីគឺជា សមាជិកឯករាជ្យម្នាក់ ពិតជារួមវិភាគទានយ៉ាងសំខាន់ដល់អព្យាក្រិតភាពនៃស្ថាប័នរៀបចំការបោះឆ្នោត ដើម្បីសម្រេចបេសកកម្មរបស់ខ្លួន ស្របតាមច្បាប់រដ្ឋធម្មនុញ្ញ និងច្បាប់ជាធរមាន ។
លោកស្រី ពុង ឈីវកេក បន្ថែមថា ការដែលជ្រើសរើសសម្រាប់មុខតំណែងដ៏សំខាន់នេះ គឺជាកិត្តិយសសំខាន់សម្រាប់លោកស្រី ។ ប៉ុន្ដែគួរឲ្យសោកស្ដាយ លោកស្រីមិនអាចទទួលយកមុខតំណែងជាសមាជិកទី៩ គជប ថ្មីនោះទេ ។ «មកដល់ពេលនេះ រូបខ្ញុំជឿជាក់ថា មុខតំណែងមួយនេះ ខ្ញុំមិនអាចអនុវត្តទៅរួចនោះទេ»។ នេះជាការបញ្ជាក់របស់លោកស្រី ពុង ឈីវកេក។
ទន្ទឹមនឹងនេះលោកស្រី ពុង ឈីវកេក ក៏បានសុំទោសទៅកាន់ប្រជាជនដែលមានជំនឿទុកចិត្តទៅលើលោកស្រីផងដែរ ។
No comments:
Post a Comment