kfparty

គណបក្សកសិករខ្មែរ គឺជាក្រុមអ្នកតស៊ូខ្មែរមកពីអតីតចលនារណសិរ្សជាតិរំដោះប្រជាពលរដ្ឋខ្មែរ ( រ.ជ.រ.ប.ខ ) ដែលដឹកនាំដោយសម្តេចបវសេដ្ឋា សឺន សាន ។ យើងមានគោលការរៀបចំថ្នាក់ដឹកនាំដូចតទៅ៖ ១- ប្រធានគណបក្សកំណត់មួយ អាណតិ្ត មាន ៥ ឆ្នាំ។ ២- ប្រធានគណបក្សកើតចេញពីគណម្មាធិការនាយក ដោយការចាប់ឆ្នោត។ ៣- គណកម្មាធិការនាយកកើតចេញពីការបោះឆ្នោតថ្នាក់ក្រោមជាតិ ថ្នាក់ក្រោមជាតិកើតឡើងដោយការបោះឆ្នោតរបស់ប្រជាពលរដ្ឋ ដូច្នេះយើងខ្ញុំសូមអំពាវនាវដល់អ្នកស្នេហាជាតិ ចូលរួមដើម្បីបង្កើតគណបក្ស កសិករខ្មែរ នៅក្រោយឆ្នាំ២០១៨។ ដោយយល់ឃើញថាក្រោយស្ថានការណ៍នៅក្នុងប្រទេសកម្ពុជា   ចាប់ពីថ្ងៃចុះហត្ថលេខាលើ កិច្ចព្រមព្រៀងសន្តិភាពទីក្រុងប៉ារីស ថ្ងៃទី ២៣ ខែ តុលា ឆ្នាំ ១៩៩១ បានជំរុញអោយមានសន្តិភាព និងគោរពនូវលទ្ធិប្រជាធិបតេយ្យនៅក្នុងប្រទេសកម្ពុជា  ក្រោមការត្រួតពិនិត្យរបស់អង្គការសហប្រជាជាតិ ( អ៊ុនតាក់) អោយមានការរៀបចំបោះឆ្នោតឆ្នាំ១៩៩៣ ខែឧសភា។

ដោយយល់ឃើញថាប្រទេសកម្ពុជា    និងប្រជាពលរដ្ឋកម្ពុជា     នៅតែទទួលរងនូវមហាសោក នាដកម្មការឈ្លានពានពីបរទេស  ការរំលោភសិទ្ធិមនុស្ស   និងអំពើពុករលួយដែលជាហេតុនាំមក   នូវ
ភាពក្រីក្ររដល់ប្រជាពលរដ្ឋកម្ពុជានៅមិនទាន់បានបញ្ចប់។

យោលទៅលើស្ថានការណ៍សង្គមខ្មែរ ឆ្លងកាត់នូវការអន់ថយគ្មានការរីកចំរើន យើងជាជាតិខ្មែរ
ដែលស្រឡាញ់សង្គមខ្មែរ   ឬស្រុកកំណើតរបស់ខ្លួន   សូមចូលរូមអភិវឌ្ឍន៍សង្គម   អោយរួចផុតពីទុក
លំបាកមានភាពរីកចំរើនដូចប្រទេសនានា  លើសកលលោក ដែលមានទស្សនវិស័យតាម បែបលទ្ធិប្រ
ជាធិបតេយ្យ សេរីពិតប្រាកដ លើកស្ទួយប្រជាពលរដ្ឋ  អោយមានភាពសម្បូរសប្បយថ្លៃថ្នូរ ស្មើភាពគ្នា
ចំពោះមុខច្បាប់ កនុងនាមជាម្ចាស់ឆ្នោត។

យើងខ្ញុំទាំងអស់គ្នាជាពលរដ្ឋកម្ពុជា បានរួមគ្នាបង្កើតជាគណបក្ស ដើម្បីចូលរួមអភិវឌ្ឍន៍សង្គម
អោយរីកចំរើន ដែលមានទស្សននយោបាយ និងលក្ខន្តិកៈជាគោល ។ គណបក្សកសិករខ្មែរសង្ឃឹមថានិងមានការចូលរួមជ្រុំជ្រែងពីសំណាក់លោកអ្នកទាំងអស់គ្នា ក្នុងគោលបំណងពង្រឹងនូវលិទ្ធិប្រជាធិបតេយ្យ និងនិតិរដ្ឋ ដោយផ្អែកលើភាពសច្ចធម៌ សន្តិភាព និងការអភិវឌ្ឍន៌។