សេចក្តីថ្លែងការណ៍របស់ក្រសួងការបរទេស និងសហប្រតិបត្តិការកម្ពុជា ចេញផ្សាយនៅថ្ងៃនេះ បានស្នើទៅក្រសួងការបរទេសឥណ្ឌាឲ្យបញ្ជាទៅក្រុមហ៊ុន MAHAVIR MANDIR TRUST បញ្ឈប់ជាបន្ទាន់នូវគម្រោងសាងសង់ប្រាសាទ ចម្លងតាមប្រាសាទអង្គរវត្តដែលជាបេតិកភ័ណ្ឌរបស់ខ្មែរ ។ ក្នុងកំណត់ការទូតនោះ បានចាត់ទុកការសាងសង់ចម្លងតាមប្រាសាទខ្មែរ គឺដើម្បីផលប្រយោជន៍ពាណិជ្ជកម្ម និងជាការរំលោភបំពានយ៉ាងធ្ងន់ធ្ងរ ដល់សម្បត្តិបេតិកភ័ណ្ឌពិភពលោក។ សេចក្តីថ្លែងការណ៍ បញ្ជាក់ថា ប្រាសាទអង្គរវត្តជានិមិត្តរូប ដែលមានទង់ជាតិកម្ពុជា ជាច្រើនសតវត្សមកហើយ ។
កាលពីឆ្នាំ ២០១២ កម្ពុជាបានជំទាស់នឹងការប្រកាសគ្រមោងសាងសង់របស់ឥណ្ឌាដែលយកគំរូតាមប្រាសាទអង្គរវត្ត ។ កាលនោះភាគីកម្ពុជាបានចោទរដ្ឋាភិបាលឥណ្ឌាថា កំពុងរំលោភលើកម្មសិទ្ធិបញ្ញាចម្លងតាមរចនាបថ សម្បត្តិបេតិកភណ្ឌពិភពលោកជាស្នាដៃរបស់ខ្មែរមួយនេះ ។ តែថ្មីនេះ ក្នុងបណ្តាញសង្គមហ្វេសប៊ុកចែករំលែកតៗគ្នាថា បច្ចុប្បន្នឥណ្ឌាកំពុងសាងសង់ប្រសាទដែលចម្លងតាមប្រាសាទអង្គរវត្តដែលមានទំហំផ្ទៃដីប្រមាណ ២០០ ហិកតា ខណៈដែលគម្រោងនេះគ្រោងចំណាយថវិកាសរុបប្រមាណជា ៧៨ លានដុល្លារ ហើយនឹងបញ្ចាប់ការសាងសង់នៅឆ្នាំ២០២៣ ៕
No comments:
Post a Comment