វិធីធ្វើទឹកប្រទាលកន្ទុយក្រពើ

ប្រទាលកន្ទុយក្រពើ ជារុក្ខជាតិដែលគេអាចប្រើប្រាស់បានច្រើនប្រភេទ ដូចជាប្រើជាឱសថ ជាភេសជ្ជៈ បង្អែម និងជាអាហារផងដែរ។ ចំពោះការប្រើប្រាស់ជាភេសជ្ជៈ គេអាចយកប្រទាលកន្ទុយក្រពើទៅធ្វើ ទឹកភេសជ្ជៈដែលមានរសជាតិឆ្ងាញ់ពិសារ ចំពោះ វិធីសាស្រ្ត នៃការធ្វើមានបង្ហាញជូនដូចខាងក្រោមនេះ ៖

១. គ្រឿងផ្សំ
• សាច់ប្រទាលកន្ទុយក្រពើ ចិតជាចំណិតដុំកន្លះចានសំឡ
• ទឹក៤ លីត្រ, ស្លឹកតយ ៣ ទៅ ៤សន្លឹក
• អំបិលបន្តិចបន្តូច
• ស្ករសរ ចាប់ពី ២ ខាំ ទៅ ៥ខាំ តាមការចូលចិត្ត ផ្អែម ឫល្មម ។
២. វិធីធ្វើ
• លាងប្រទាលកន្ទុយក្រពើ ទាំងសំបក ឲ្យស្អាត
• ចិតសំបកចេញឲ្យស្អាត ទុកមួយឡែក
• លាងសាច់ប្រទាលកន្ទុយក្រពើឲ្យអស់រំអិល
• ចិតជាដុំតូចៗប៉ុនចង្កឹះ
• ដាំទឹកដោយដាក់ស្លឹកតយចូល រហូតដល់ទឹកពុះ ស្រង់ស្លឹកតយចេញ ដាក់ស្ករ អំបិល ភ្លក្សមើលល្មមចូលចិត្ត គឺអាចយកសាច់ប្រទាល កន្ទុយក្រពើចាក់ចូលទុកដល់ពុះ បិទភ្លើង គ្របទុកមួយសន្ទុះកុំកូរ ១៥ ឫ ២០ នាទីក្រោយមក សឹមបើកគំរបឡើង នោះយើងនឹងទទួលបាន ទឹកភេសជ្ជៈប្រទាលកន្ទុយក្រពើដែលមានរស់ជាតិ និងក្លិនប្រហើរគួរឲ្យចង់ទទួលទានជាមិនខាន ។