ធ្នូបុរាណនេះត្រូវបានស្រាវជ្រាវ រកឃើញ និង បង្កើតឡើងដោយក្រុមអ្នកស្រាវជ្រាវ គោព្រៃ ដែលចំណាយពេល ៦ ឆ្នាំ លើការស្រាវជ្រាវរូបរាងធ្នូខ្មែរតាមចម្លាក់ជញ្ជាំងប្រាសាទអង្គរវត្ត ប្រាសាទបាយ័ន និង ប្រាសាទផ្សេងៗទៀតជាច្រើន។ នេះតាមការឲ្យដឹងរបស់ លោក ជា សត្យា អ្នកគ្រប់គ្រងគម្រោងស្រាវជ្រាវធ្នូខ្មែរមួយនេះ។
ធ្នូសម្រាប់ព្រះរាជានាសម័យបុរាណមានសមត្ថភាពមិនធម្មតានេះ មានដងធ្វើឡើងពីធាងរបស់ដើមត្រាងស្វិតមិនបាក់ ជារុក្ខជាតិប្រភេទអំបូរដូចដើមត្នោត ឯគ្រាប់ព្រួញច្នៃចេញពីដើមត្រែងបំពាក់ដែកស្រួចនៅខាងចុង។
អ្នកគ្រប់គ្រងគម្រោងវ័យក្មេងដែលជាអ្នកនិពន្ធបទ “បើសិនគ្មានអូន” រូបនេះ បានបន្តថា បច្ចុប្បន្ន ធ្នូបុរាណនេះមានដាក់បង្ហាញនៅក្នុងបុណ្យភូមិ និងគ្រោងដាក់បង្ហាញក្នុងព្រឹត្តិការណ៍អង្គរសង្ក្រាន្ត ខេត្តសៀមរាប ក្នុងកម្មវិធីសម្ដែងក្បាច់គុនខ្មែរ នាថ្ងៃទី ១៤ ដល់ថ្ងៃទី ១៦ ខែមេសា ខាងមុខនេះ។
លោក សត្យា ក៏កំពុងស្វែងរកដៃគូក្រុមហ៊ុនសហការគ្នា ដើម្បីបង្កើតកន្លែងកម្សាន្តបាញ់ធ្នូខ្មែរមួយនេះផងដែរ ខណៈបច្ចុប្បន្ន ក្រុមគោព្រៃទើបតែផលិតបានធ្នូ ៣០ ដើម។
No comments:
Post a Comment